މާލެ އާއި ހުޅުމާލޭގެ ބައެއް ސަރަހައްދުތަކަށް ކަރަންޓްގެ ހިދުމަތް ދޭން ފަށާފައިވާކަމަށް ސްޓެލްކޯއިން ބުނެފިއެވެ.
މިއަދު މެންދުރު 12 ޖެހިތާ އިރުކޮޅެއްފަހުން މުޅި މާލެ އަދި ހުޅުމާލެއިން ވަނީ ކަރަންޓްގެ ހިދުމަތް މެދުކެނޑުފައެވެ. މިކަމާ ގުޅޭގޮތުން ސްޓެލްކޯއިން ދެންމެ ބުނެފައިވަނީ މާލެ އާއި ހުޅުމާލޭގެ އިންޖީނުތައް ހިންގައި ބައެއް ސަރަހައްދުތަކަށް ކަރަންޓް ދޭން ފަށާފައިވާކަމަށެވެ.
އެގޮތުން މިހާރު މާލޭގެ ބައެއް ސަރަހައްދުތަކަށް ވަނީ ކަރަންޓް އަލުން ލިބިފައެވެ. އަދި ހުޅުމާލެ ފޭސް އެކެއްގެ ބައެއް ހިސާބުތަކަަށްވެސް ވަނީ ކަރަންޓް ދީފައެވެ.
ސްތެލްކޯއިން ބުނީ މާލެ އަދި ހުޅުމާލެއިން ކަރަންޓް ކެނޑުނީ ދިމާވި ޓެކްނިކަލް މައްސަލައެއްގެ ސަބަބުން ކަމަށެވެ. އެގޮތުން މިފަހަރު ކަރަންޓް ދިޔައީ ހުޅުމާލޭގެ 50 މެގަވޮޓްގެ އިންޖީނުގެ އަޕްގްރޭޑް ކުރުމަށް ރާވާފައިވާ މަސައްކަތްތަކުގެ ތެރެއިން ދިމާވި މައްސަލައަކާ ގުޅިގެން، ބައެއް އިންޖީނުތައް ވަގުތީ ގޮތުން ހުއްޓުމަކަށް އައިސްގެންނެވެ.
މިހާރު ދިމާވެފައިވާ މައްސަލަ ހައްލުކޮށް، ކަރަންޓުގެ ހިދުމަތް އާންމު ހާލަތަށް ގެނައުމަށްޓަކައި ކަމާބެހޭ ޓީމުތަކުން މަސައްކަތް ކުރަމުން އަންނަކަމަށް ސްޓެލްކޯއިން ވަނީ ބުނެފައެވެ.
Advertisement
This content is created and paid for by advertisers and does not involve Voice Journalists
