ނަމާދު ގަޑީގައި މާލެ ސިޓީގެ ހުރިހައި މިސްކިތްތަކުން ބޭރަށް އަޑު ނުއިވޭ ގޮތައް އަޑު ކަނޑާލަން މިނިސްޓްރީން އެންގިކަމަށް ބުނެ ފަތުރަމުންދާ ވާހަކައަކީ ޙަޤީޤަތާ ޚިލާފު ވާހަކަ އެއް ކަމަށް އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދު ވިދާޅުވެއްޖެ އެވެ.
މިނިސްޓަރު މިހެން ވިދާޅުވީ ނަމާދު ގަޑީގައި މާލެ ސިޓީގެ މިސްކިތްތަކުން ބޭރަށް އަޑު ނުއިވޭ ގޮތައް އަޑު ކަނޑާލަން އަންގާފައިވާކަން ފާހަގަކޮށް އެކަމާއި ދީނީ އިލްމުވެރިޔާ އައްޝައިހް އާދަމް ނިޝާން ކަންބޮޑުވުން ފާޅުކުރުމާއި ގުޅިގެންނެވެ. ޝެއިހް ނިސާންއަކީ މިފަދަ ކަންކަމުގައި އަބަދުވެސް ކަންބޮޑުވުން ފާޅުކުރައްވާ އެފަދަ ކަންކަން ރަނގަޅު ކުރެއްވުމަށް ވަކާލާތު ކުރައްވާ ޢިލްމުވެރިއެކެވެ.
މިނިސްޓަރު ޝަހީމް ވިދާޅުވީ ނަމާދު ގަޑީގައި މާލެ ސިޓީގެ ހުރިހައި މިސްކިތްތަކުން ބޭރަށް އަޑު ނުއިވޭ ގޮތައް އަޑު ކަނޑާލަން މިނިސްޓްރީން އެންގިކަމަށް ބުނެ ފަތުރަމުންދާ ވާހަކައަކީ ޙަޤީޤަތާ ޚިލާފު ވާހަކަ އެއް ކަމަށެވެ. ނަމަވެސް އިތުރު ތަފްސީލެއް ނުދެއްވަ އެވެ.
ބެލެވެނީ ބައެއް މިސްކިތްތަކުން އަޑު މަޑުކުރަން އެނގި ކަމަށެވެ. ބައެއް މިސްކިތްތައް ހުންނަނީ ވަރަށް ކައިރި ކައިރީގައި ކަމުން އެއް މިސްކިތުގެ އަޑު އަނެއް މިސްކިތަށް އިވުމަކީ ނަމާދުކުރާ މީހުންނަށް އެކަމުން އުނދަގޫ ކުރިމަތިވާނެ ކަމެކެވެ.
Advertisement
This content is created and paid for by advertisers and does not involve Voice Journalists
