ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ އިސްނެންގެވުމަށް، ދިވެހި ސަރުކާރުގެ ފަރާތުން ކުރިއަށްގެންދާ "ޢީދު ހަވީރު 1447"ގައި އެމްއޭސީއެލުން ބައިވެރިވާނޭކަމަށް އެކުންފުނިން ބުނެފިއެވެ.
މިކަމާ ގުޅޭގޮތުން އެމްއޭސީއެލުން މިއަދު ބުނީ، އަޟްޙާ ޢީދާ ގުޅުވައިގެން މުޖުތަމަޢުގެ އެކުވެރިކަމާއި އެއްބައިވަންތަކަން އާލާކުރުމަށް ކުރިއަށްގެންދާ ހަރަކާތުގައި އެމްއޭސީއެލުން ބައިވެރިވެ، ހާއްސަ ހަރަކާތްތަކެއް ކުރިއަށް ގެންދިއުމަށް ނިންމާފައިވާކަމަށެވެ. އެގޮތުން ސެންޓްރަލް ޕާކްގައި ކުރިއަށްގެންދާ އީދު ފެސްޓިވަލްގައި އެމްއޭސީއެލުން ސްޓޯލެއް ބަހައްޓައި ކުޅ:ިވަރުގެ ހަރަކާތްތައް ކުރިއަށްގެންދާނޭކަމަށް ބުންޏެވެ.
އީދު ހަވީރު ކުރިއަށްގެންދިއުމަށް ހަމަޖެހިފައިވަނީ، ހުޅުމާލޭ ސެންޓްރަލް ޕާކްގައި އަންނަ ބުދަ ދުވަހުން ފެށިގެން ހޮނިހިރުދުވަހުގެ ނިޔަލަށެވެ. ހަރަކާތްތައް ކުރިއަށްދާނީ ކޮންމެ ދުވަހެއްގެ ހަވީރު 4 ކުން ފެށިގެން 6 ޖެހުމާ ހަމަޔަށެވެ.
އެމްއޭސީއެލުން ބުނީ އެކުންފުނީގެ ސްޓޯލުގައި ދިވެހިވަންތަ އަދި ސަޤާފީ ފަރުމާތަކާއި އާދަތައް ހިމެނޭގޮތުން އިންތިޒާމުކުރެވޭ މި ހަރާކާތުގައި ކޯޑީއާއި ބޮޑުބެރާއެކު މާލީގެ އެކިއެކި ހަރަކާތްތައްވެސް ކުރިއަށް ދާނޭކަމަށެވެ. މީގެ އިތުރުން ކުޑަކުދިންގެ މެދުގައި މަޤުބޫލު ކާޓޫން ކެރެކްޓާސްގެ މެސްކޮޓްތައް ވެސް އެމްއޭސީއެލްގެ ސްޓޯލްގައި އެކި ދުވަސްތަށް މަތިން ހަރަކާތްތެރި ވަމުންދާނެއެވެ.
އެމްއޭސީއެލްގެ ސްޓޯލްގެ މެދުގައި ކުޑަކުދިންނަށް އެރޭނެ ގޮތަށް ފަނުން ޒީނަތްތެރިކޮށްފައިވާ ޓްރީހައުސް (ގަސްމަތީ ގެ)އަކާއި ރެކިން ބޯލް، ވައިޕް އައުޓް އިންފްލެޓަބަލް، ބަބުލް ހައުސް ފަދަ ޢައިލީ ކުޅިވަރަށް ފަރުމާކުރެވިފައިވާ ކުޅިވަރުތައް ވެސް ހުންނާނެއެވެ. މިއާއެކު ކުޑަކުދިންނަށް ޚާއްސަ ހަރަކާތެއްގެ ގޮތުގައި ހީނާ އާޓް އަދި ފޭސް ޕެއިންޓިންގ ކޯނަރތައްވެސް މި ސްޓޯލްގައި ޤާއިމްކުރެވިފައި ހުންނާނޭކަމަށް އެމްއޭސީއެލުން ބުނެއެވެ. އެމްއޭސީއެލްގެ ސްޓޯލް ހުޅުމާލޭ ސެންޓްރަލް ޕާރކުގެ އިރުމަތީ އެންޓްރެންސްގައި ހުންނައިރު، މިއަހަރުގެ ޢީދު ޚާއްސަކުރުމުގެ ގޮތުން މަޝްހޫރު ފުޓުބޯޅަކުރުންތެރިޔާ ޢަލީ އަޝްފާޤުގެ ހުނަރުތައްވެސް ސްޓޯލްގައި ދައްކާލުމަށް ވަނީ ހަމަޖެހިފައިވެއެވެ.
Advertisement
This content is created and paid for by advertisers and does not involve Voice Journalists
