މިއަދު ފާހަގަކުރަމުންދާ އަލްހާ އީދުގެ ތަހުނިޔާ ފޮނުއްވާ ކުރީގެ ރައީސް މައުމޫން އަބްދުލްގައްޔޫމް މިއަދު އާންމުކުރެއްވި ފޮޓޯފުޅަކަށް އާންމުންގެ ބޮޑު ސަމާލު ކަމެއް ލިބިއްޖެ އެވެ.
އީދުގެ ތަހުނިޔާ ފޮނުއްވަވާ ރައީސް މައުމޫން ވަނީ އެމަނިކުފާނުގެ ދެކަނބަލުންގެ ވަރަށް ހިތްގައިމު ފޮޓޯފުޅެއް ހިއްސާ ކުރައްވާފަ އެވެ. އެފަދަ އެހެން ފޮޓޯފުޅެއް ވެސް ކުރީން ނަންގަވާފައިވެ އެވެ. އާންމުންގެ ބޮޑު ސަމާލު ކަމެެއް އެ ފޮޓޯއަށް ލިބުނީ އެހެންވެ ކަމަށް ބެލެވެ އެވެ.
ރައީސް މަައުމޫންގެ އީދު ތަހުނިޔާގައި އީދުގެ ހެޔޮ އެދުންތައް އިސްލާމީ އުންމަތަށް އަރިސް ކުރައްވާފައިވެ އެވެ. އަދި މި އީދަކީ ހުރިހާ ގޮތަކުން ވެސް އުފާވެރި އީދެއް ކަމުގައި ވުމަށް އެދިވަޑައިގެންފައިވެ އެވެ.
ރައީސް މައުމޫންގެ ދެކަނބަލުން
މި ފޮޓޯއަށް އެތައް ސަތޭކަ ލައިކްސްއެއް ލިބިފައިވެ އެވެ. އަދި ރައީސް މައުމޫންގެ ދެކަނބަލުންނަށް ހެޔޮ އެދުމުގެ ޝުއޫރުތަކާއި އީދުގެ ތަހުނިޔާ ފޮނުވާ އެތައް ބަޔަކު ކޮމެންޓް ކޮށްފައިވެ އެވެ.
އެންމެންހެން މި ފޮޓޯގެ ރީތިކަން ފާހަގަ ކޮށްފައިވެ އެވެ.
ރައީސް މައުމޫންގެ ދެކަނބަލުންގެ ކައިވެނީގެ ފޮޓޯފުޅާއި އެނިވާސަރީ ފޮޓޯފުޅަކީ ވެސް ވަރަށް ބޮޑަށް ވައިރަލްވީ ފޮޓޯފުޅުތަކެކެވެ.
ރައީސް މައުމޫންގެ ދެކަނބަލުންގެ ކައިވެނީގެ ފޮޓޯފުޅާއި އެނިވާސަރީ ފޮޓޯފުޅު
ރައީސް މައުމޫންނަކީ ރާއްޖޭގެ އެންމެ ތަޖުރިބާކާރު ސިޔާސީ ލީޑަރެވެ. އެމަނިކުފާނު ވަނީ 30 އަހަރު ވެރިކަން ކުރައްވާފަ އެވެ.
ރާއްޖޭގެ އެންމެ މަގުބޫލު ސިޔާސީ ލީޑަރަކީ ވެސް އެމަނިކުފާނެވެ.
Advertisement
This content is created and paid for by advertisers and does not involve Voice Journalists
