ޕަރަގުއޭ ބަލިކޮށް އެމެރިކާއިން ވަރލްޑްކަޕްގެ ފެށުން ރަނގަޅުކޮށްފިއެވެ.
ވަރލްޑްކަޕްގައި އެމެރިކާ ކުޅުނު ފުރަތަމަ މިމެޗް އެޓީމުން ޕަރަގުއޭގެ މައްޗަށް ކުރި ހޯދީ 4-1 ގެ ނަތީޖާއަކުންނެވެ. ޕަރަގުއޭގެ ބޮބަޑިލާއަތުން ބައިކޮޅަށްވަތް ގޯލާއެކު އެމެރިކާއަށް ވަނީ މެޗްގެ ވަރަށް ކުރީކޮޅު ލީޑް ލިބިފައެވެ. ފުރަތަމަ ހާފްގައި އެމެރިކާއިން ވަނީ ތިން ލަނޑުގެ ލީޑެއް ނަގާފައެވެ.
މައުރީސިއޯ ޕޮޗެޓީނޯގެ އިރުޝާދުގެ ދަށުން ކުޅެމުންދިޔަ އެމެރިކާގެ ދެވަނަ ލަނޑު ކާމިޔާބުކޮށްދިނީ، 31 ވަނަ މިނެޓް ތެރޭގައި ފޮލަރިން ބަލޮގުން އެވެ. އަދި ފުރަތަމަ ހާފްގެ އިތުރުވަގުތުގެ ކުޅުމުގެ ތެރޭގައި ބަލޮގުން ވަނީ އިތުރު ލަނޑެއް ޖަހާފައެވެ.
ދެވަނަ ހާފްގެ ކުޅުން ފަށައި ޕަރަގުއޭގެ މައުރީސިއޯ ވަނީ 73 ވަނަ މިނެޓްގައި ލަނޑެއްޖަހައި އުއްމީދު އާކޮށްދީފައެވެ. ނަމަވެސް ޕަރަގުއޭއަށް އިތުރު ލަނޑެއް ކާމިޔާބު ނުކުރެވި އުޅެނިކޮށް އެމެރިކާއިން ވަނީ މެޗްގެ އިތުރު ވަގުތުގެ ކުޅުމުގެ ތެރޭގައި ލަނޑެއް ޖަހައި މެޗްގެ ނަތީޖާ 4-1 ކަށް ބަދަލުކޮށްފައެވެ.
އެމެރިކާއިން ޕަރަގުއޭ ބަލިކުރިއިރު، މިއި ވަރލްޑްކަޕްގައި އެޓީމަށް ނެރެވުނު އެންމެ ރަނަގޅު ނަތިޖާއެވެ. މި މެޗްގައި ޕްލިސިޗްގެ ފަރާތުން މޮޅު ކުޅުމެއް ފެނިގެންދިޔައިރު، ލަނޑެއް ނުޖެހުނު ނަމަވެސް އޭނާ ވަނީ ލަނޑުޖަހަން ފުރުސަތު ތަނަވަސްކޮށްދީފައެވެ.
Advertisement
This content is created and paid for by advertisers and does not involve Voice Journalists
