ހދ.ފިނޭގައި އިމާރާތްކުރި ފުލުހުންގެ މަރުކަޒު ރަސްމީކޮށް މިއަދު ހުޅުވައިފިއެވެ.
މި އިމާރާތުގެ މަސައްކަތް ނިންމައި އެތަނުގެ ހިދުމަތް ފަށާފައިމިވަނީ އެކަމަށްޓަކައި މިއަދު ބޭއްވި ރަސްމިއްޔާތެއްގައެވެ. މިކަމަށްޓަކައި ބޭއްވި ރަސްމިއްޔާތުގައި ފުލުހުންގެ މަރުކަޒު ހުޅުވައިދެއްވީ، ކޮމިޝަނަރ އޮފް ޕޮލިސް އަޙްމަދު މުޙައްމަދުގެ އިތުރުން އެމްޓީސީސީގެ ޑެޕިޔުޓީ މެނޭޖިން ޑިރެކްޓަރު، މުޙައްމަދު ޖަމްޝީދެވެ.
މި ރަސްމިއްޔާތުގައި ކައުންސިލްގެ ބޭފުޅުންނާއި ބައެއް ރައްޔިތުން ވަނީ ބައިވެރިވެފައެވެ.
ފިނޭގައި އިމާރާތްކުރި ފުލުހުންގެ މަރުކަޒުގެ އަމަލީ މަސައްކަތް ފަށާފައިވަނީ މިދިޔަ އަހަރުގެ އޮގަސްޓްމަހުގެ 24 ވަނަ ދުވަހު ރައީސުލްޖުމްހޫރިއްޔާ ޑރ.މުހައްމަދު މުއިއްޒު އެރަށަށް ވަޑައިގެންނެވި ދަތުރުފުޅުގައެވެ. މި މަސައްކަތް އެމްޓީސީސީއާ ހަވާލުކޮށާްފައިވަނީ، 2.20 މިލިއަން ރުފިޔާގެ އަގަކަށެވެ.
ފިނޭ ފުލުހުންގެ މަރުކަޒު އިމާރާތްކޮށްފައިވަނީ، 1،600 އަކަފޫޓުގެ ސަރަހައްދެއްގައެވެ. ފިނޭގެ ފުލުހުންގެ މަރުކަޒު އިމާރާތްކޮށްފައިވަނީ ބޭނުންވާނެ ހުރިހާ ވަސީލަތްތަކެއްވެސް ހިމެނޭގޮތަށެވެ.
Advertisement
This content is created and paid for by advertisers and does not involve Voice Journalists
