އިލެކްޝަންސް ކޮމިޝަން (އީސީ) ގެ މެންބަރު ކަމަށް ޙައްޖު ކޯޕަރޭޝަންގެ އެމްޑީ މުހައްމަދު ޝަކީލް އައްޔަނު ކުރަން ރައްޔިތުންގެ މަޖިލީހުން ފާސްކޮށްފި އެވެ.
ރައްޔިތުންގެ މަޖިލީހުގެ މިއަދުގެ ޖަލްސާގައި އީސީގެ މެންބަރު ކަމަށް ޝަކީލް އައްޔަނު ކުރުމަށް ފެންނަ ކަމަށް 51 މެންބަރުން ވޯޓުދީފައިވެއެވެ. ޝަކީލް މަގާމަށް އައްޔަނު ކުރުމާ ދެކޮޅަށް ވޯޓުދެއްވީ 7 މެންބަރުންނެވެ.
އީސީގެ މެންބަރު ކަމުގެ މަގާމު ހުސްވީ އެ ކޮމިޝަނުގެ މެންބަރު ކަމުންނާއި އީސީގެ ރައީސް ކަމުގެ މަގާމުން ޒާހިދު އިސްތިއުފާ ދެއްވުމުންނެވެ. އެއާއެކު މެމްބަރު ކަމަށް ކުރިމަތިލުމުގެ ފުރުސަތު ހުޅުވާލާފައިވާއިރު، ކުރިމަތިލީ ފަރާތްތަކުގެ ތެރެއިން ރައީސް ޑރ. މުޙައްމަދު މުޢިއްޒު އިސްކަންދެއްވީ ޝަކީލް އަށެވެ.
މި މައްސަލަ ދިރާސާ ކޮށް، ޝަކީލްއާ އިންޓަވިއު ކުރުމަށް އިއްޔެ ރައްޔިތުންގެ މަޖިލީހުގެ މިނިވަން މުއައްސަސާތަކުގެ ކޮމިޓީ ބައްދަލުވުމެއް ވަނީ ބާއްވާފައެވެ. އެއަށްފަހު ކޮމިޓީން ނިންމީ ޝަކީލް މަގާމަށް އައްޔަނު ކުރުމަށް ފެންނަ ކަމަށެވެ.
ޝަކީލް މީގެކުރިންވެސް ވަނީ އިލެކްޝަންސް ކޮމިޝަނުގެ މެންބަރުކަމުގެ މަޤާމު އަދާކުރައްވާފަ އެވެ.
އީސީގެ މެންބަރުންގެ ގޮތުގައި މިހާރު ތިބީ:
ޢަބްދުއްރަޙްމާން ޞަލާޙް ރަޝީދު - ކޮމިޝަންގެ ނައިބު ރައީސް
ޙަސަން ޒަކަރިއްޔާ - ކޮމިޝަންގެ މެންބަރު
ޢަބްދުލްޙަސީބު އިސްމާޢީލް - ކޮމިޝަންގެ މެންބަރު
ރިފްޢަތު ޢަބްދުالله - ކޮމިޝަންގެ މެންބަރު
Advertisement
This content is created and paid for by advertisers and does not involve Voice Journalists
