ރޮނާލްޑޯ ވިދިވިދިގެން ހަ ވޯލްޑް ކަޕްގައި ގޯލު ޖަހައި ތާރީޚީ ރެކޯޑެއް ހަދައިފި
ވިދިވިދިގެން ހަ ފީފާ ވޯލްޑް ކަޕް މުބާރާތުގައި ގޯލު ޖެހި ހަމައެކަނި ކުޅުންތެރިޔާގެ ޝަރަފް ޕޯޗުގަލްގެ ކެޕްޓަން ކްރިސްޓިއާނޯ ރޮނާލްޑޯ މިރޭ ހޯދައިފިއެވެ.
އުމުރުން 41 އަހަރުގެ ރޮނާލްޑޯ މި ޝަރަފް ހޯދީ މިރޭ އުޒްބަކިސްތާނާ ދެކޮޅަށް ކުޅުނު ގުރޫޕް ސްޓޭޖު މެޗުގެ ހަ ވަނަ މިނެޓުގައި ޕޯޗުގަލަށް ލީޑު ނަގައިދީގެންނެވެ.
މި މެޗުގައި ރޮނާލްޑޯ ވަނީ ދެ ގޯލު ޖަހައިފައެވެ. ޕޯޗުގަލް މި މެޗު ކާމިޔާބުކުރީ 5-0 ގެ ތަފާތު ބޮޑު ނަތީޖާއަކުންނެވެ. ރޮނާލްޑޯގެ މި ކާމިޔާބީ ގިނީސް ބުކް އޮފް ވޯލްޑް ރެކޯޑުން ވެސް ވަނީ ފާހަގަކޮށްފައެވެ.
މިއާ އެކު ރޮނާލްޑޯ ވަނީ ފީފާ ވޯލްޑް ކަޕްގައި ޖުމްލަ 24 މެޗުން 10 ގޯލު ހަމަކޮށްފައެވެ. އެއީ ވޯލްޑް ކަޕްގައި ޕޯޗުގަލަށް އެންމެ ގިނަ ގޯލު ޖެހި ކުޅުންތެރިޔާގެ ރެކޯޑެވެ. މީގެ ކުރިން މި ރެކޯޑު އޮންނަނީ 1950 ގައި ނުވަ ގޯލު ޖެހި ޔޫސޭބިއޯ އަތުގައެވެ.
Advertisement
This content is created and paid for by advertisers and does not involve Voice Journalists
