ފީފާ ވޯލްޑް ކަޕް ގްރޫޕް ބީގައި ސްވިޒަލެންޑާއި ކެނެޑާ ބައްދަލުކުރިމެޗް ސްވިޒަރލެންޑް ކާމިޔާބުކޮށް ގްރޫޕް އެއްވަނަ ޓީމްގެ ގޮތުގައި އެޓީމް އަނެއް ބުރަށް ދަތުރުކޮށްފިއެވެ.
ވެންކޫވާގައި ކުޅުނު މިމެޗް ސްވިޒަރލެންޑުން ކާމިޔާބުކުރީ ކެނެޑާގެ މައްޗަށް 2-1 އިން ބަލިކޮށްގެންނެވެ.
ސްވިޒަރލެންޑްގެ ޖެސީ މާޝްގެ ކެނެޑާ ޓީމުން މެޗަށް ނުކުތީ ޕޮއިންޓެއް ހޯދައިގެން ވެސް ގޯލް ތަފާތުން ގްރޫޕުގެ އެއްވަނަ ލިބޭ ގޮތަށެވެ. ނަމަވެސް ދެވަނަ ހާފުގައި މުރާޠް ޔާކީންގެ ސްވިޒަލެންޑުން ޖެހި ދެ ގޯލާ އެކު ކެނެޑާއަށް ލިބުނީ ދެވަނަ މަގާމެވެ.
ފުރަތަމަ ހާފުގައި ދެ ޓީމުން ވެސް މާ ބޮޑު ނުރައްކާ ހަމަލާތަކެއް ނުއުފެއްދެއެވެ. ނަމަވެސް ދެވަނަ ހާފު ފެށިގެން 40 ސިކުންތު ތެރޭ ރޫބެން ވާގަސް ބާރު ހަމަލާއަކުން ސްވިޒަލެންޑަށް ލީޑް ނަގައިދިނެވެ. އޭގެ 10 މިނެޓު ފަހުން ކެނެޑާގެ ދިފާއީ ކުޅުންތެރިންނަށް ހެދުނު ގޯހެއްގެ ފައިދާ ނަގައި ޔޮހާން މަންޒަމްބީ ވަނީ ލީޑް 2-0 އަށް ފުޅާކޮށްދީފައެވެ.
ބަދަލު ކުޅުންތެރިއެއްގެ ގޮތުގައި ކުޅެން ނުކުތް ޕްރޮމިސް ޑޭވިޑަށް ލިބުނު ފުރަތަމަ ބޯލައާއެކު، ކެނެޑާއަށް ގޯލެއް ކާމިޔާބުކޮށްދިން ނަމަވެސް ނަތީޖާ އެޓީމްކޮޅަށް ބަދަލުކުރެވޭ ގޮތެއް ނުވިއެވެ. މި ބައްޔާ އެކު ކެނެޑާއަށް ކުރިއަށްއޮތް ބުރުގައި ވެންކޫވާގައި ކުޅުމުގެ ފުރުސަތު ވަނީ ގެއްލިފައިވެއެވެ. މިހާރު އޮތް ގޮތުން ކެނެޑާ ބައްދަލުކުރަން ޖެހޭނީ އެލްއޭގައި ދެކުނު ކޮރެއާ އާ ދެކޮޅަށެވެ.
މި ގްރޫއްޕްގެ އަނެއް މެޗްގައި ބޮސްނިއާ އާއި ޤަތަރު ބައްދަލުކުރިމެޗް 3-1 ގެ ނަތީޖާއަކުން ކާމިޔާބުކުރީ ސްވިޒަރލޭންޑެވެ.
Advertisement
This content is created and paid for by advertisers and does not involve Voice Journalists
