ވަރލްޑްކަޕް ގްރޫޕް ޖީގައި މިއަދު ކުޅުނު މެޗްތަކަށްފަހު ބެލްޖިއަމާއި މިސްރުން ނޮކްއައުޓް ބުރުގެ ޖާގަ ކަށަވަރުކޮށްފިއެވެ.

ނޮކްއައުޓްބުރުގެ ޖާގައެއް ބެލްޖިއަމުން އެންމެފަހުވަގުތު ކަށަވަރުކުރީ ނިއުޒިލެންޑާ ދެކޮޅަށް ކުޅުނުމެޗް 5-1 ގެ ނަތީޖާއަކުން ކާމިޔާބުކޮށްގެންނެވެ. މި މެޗްގައި ޓްރޮސާޑް ދެ ލަނޑު ޖަހައިދިންއިރު ކެވިން ޑިބްރޭނާ، ލުކަކޫ އަދި ސީލްމޭކާ އެވެ.

މިއަދު ކުޅުނު މެޗްތަކުގެ ތެރެއިން އެންމެ ފޯރިގަދަކޮށް ދިޔައީ އީރާނާ މިސްރު ބައްދަލުކުރި މެޗެވެ.

ވަރަށް ވާދަވެރި ކުޅުމެއް ފެނިގެންދިޔަ މި މެޗު 1-1 އިން އެއްވަރުވިއިރު، އީރާނުން ޖެހި ގޯލެއް އޮފްސައިޑް ކަމަށް ނިންމައި، މެޗުގެ ފަހު ވަގުތުކޮޅުގެ ތެރޭގައި އެޓީމުން ޖެހި ބޯޅައެއް ގޯލުގެ ހުރަސް ދަނޑީގައި ވަނީ ޖެހިފައެވެ. މިއާއެކު ވޯލްޑް ކަޕްގެ ގަދަ 32 ގެ ބުރަށް ދިއުމަށް އީރާނުން ކުރަމުންދާ އުންމީދުތައް މިހާރު އޮތީ ނޭވާ ހިފަހައްޓާލަންޖެހޭ ފަދަ ނާޒުކު ފައްތަރެއްގައެވެ.

ގްރޫޕް ސްޓޭޖުގައި ކުޅުނު ތިން މެޗުން ވެސް އެއްވަރުވި އީރާނަށް، އެންމެ ރަނގަޅު ނަތީޖާ ހޯދާ ތިންވަނަ ޓީމުތަކުގެ ތެރޭގައި ހިމެނިގެން ވޯލްޑް ކަޕްގެ ނޮކައުޓް ބުރަށް ދިއުމުގެ ފުރުސަތު އަދިވެސް އެބައޮތެވެ. މިއީ އެޓީމުގެ ތާރީޚުގައި ވެސް ނޮކްއައުޓް ސްޓޭޖަށް ދެވޭނެ ފުރަތަމަ ފަހަރެވެ. އީރާނުގެ އުންމީދުތައް މިހާރު ބިނާވެފައިވަނީ ގްރޫޕް ޖޭ، ކޭ އަދި އެލްގެ ނަތީޖާތަކަށެވެ.