ވަރލްޑްކަޕް އިންގްލެންޑް ހިމެނޭ ގްރޫއްޕްގެ އެއްވަނަ ޓީމްގެ ގޮތުގައި އެޓީމް ނޮކްއައުޓް ވުރަށް ދަތުރުކޮށްފިއެވެ.

ރޭ ޕަނަމާ އާއި އިންގްލެންޑް ބައްދަލުކުރި މިމެޗް އިނގިރޭސިން ކާމިޔާބުކުރީ 2-0 ގެ ނަތީޖާއިންނެވެ. މިމެޗްގައި ފެނިގެންދިޔަ ދެ ލަނޑުވެސް ޖަހާފައިވަނީ، ދެވަނަ ހާފްގެ ތެރޭގައެވެ. އިނގިރޭސިންނަށް ގޯލް ހުޅުވާލަދިނީ 62 ވަނަ މިނެޓް ތެރޭގައި ބެލިންހަމްއެވެ. ދެވަނަ ލަނޑު ކާމިޔާބުކޮށްދިނީ، އޭގެ ހަތަރު މިނެޓްފަހުން ހަރީ ކޭން އެވެ.

މެޓްލައިފް ސްޓޭޑިއަމްގައި ކުޅުނު މި މެޗުގެ ފުރަތަމަ ހާފުގައި އިނގިރޭސިންނަށްވުރެ ބޮޑަށް ފާހަގަވީ ޕަނަމާއެވެ. އެޓީމުންވަނީ ކައުންޓަރ އެޓޭކްގައި އިނގިރޭސި ޑިފެންސްލައިނަށް ނުރައްކާކޮށްފައެވެ. ނަމަވެސް ދެވަނަ ހާފްގައި އިނގިރޭސިން ވަނީ މެޗްގެ ކޮންޓްރޯލް އަތުލާފައެވެ. 

މިގްރޫޕްގެ އަނެއް މެޗްގައި ކޮރްއޭޝިއާ އާއި ގާނާ ބައްދަލުކުރިމެޗް 2-1 ގެ ނަތީޖާއަކުން ކާމިޔާބުކުރީ ކޮރްއޭޝިއާއެވެ. މިމެޗުން ގާނާ ބަލިވިނަމަވެސް އަނެއްބުރަށް ދިއުމުގެ ފުރުސަތު އެޓީމަށް އަދިވެސް އެބައޮތެވެ. ރޭ ކުޅުނު މެޗްތަކަށްފަހު އިނގިރޭސިން ގްރޫޕްގެ އެއްވަނަ ޓީމްގެ ގޮތުގައި ނޮކްއައުޓް ބުރުގެ ޖާގަ ކަށަވަރުކުރީ 7 ޕޮއިންޓް ހޯދައިގެންނެވެ. ދެވަނާގައިވާ ކޮރްއޭޝިއާއަށް 6 ޕޮއިންޓް ލިބުނުއިރު، ގާނާއަށް ލިބުނީ 4 ޕޮއިންޓެވެ.