ބޭންކް އޮފް މޯލްޑިވްސްގެ އެމެރިކަން އެކްސްޕްރެސް ޕްލެޓިނަމް ކާޑު ގެންގުޅޭ ކަސްޓަމަރުންނަށް ސިންގަޕޫރުގައި މިއަހަރު އޮންނަ ފޯމިއުލާ 1 ގްރޭންޑް ޕްރީ ބަލާލަންދިއުމުގެ ފުރުސަތު ލިބޭ ޚާއްޞަ ޕްރޮމޯޝަނެއް އެ ބޭންކުން ފަށައިފިއެވެ.
ޖުލައި މަހުގެ 1 ވަނަ ދުވަހުން ފެށިގެން މަސް ނިމެންދެން ކުރިއަށްދާ މި ޕްރޮމޯޝަނުގައި ބައިވެރިވެވޭނީ ބީއެމްއެލް އެމެރިކަން އެކްސްޕްރެސް ޕްލެޓިނަމް ކްރެޑިޓް ކާޑު ނުވަތަ އެމެރިކަން އެކްސްޕްރެސް އިސްލާމިކް ޕްލެޓިނަމް ކްރެޑިޓް ކާޑު ބޭނުންކޮށްގެން ރާއްޖޭގައި ވިޔަފާރިކުރާ ކަސްޓަމަރުންނަށް ކަމަށް އެ ބޭންކުން ބުނެފައިވެއެވެ. ޕްރޮމޯޝަން ނިމުމުން ގުރުއަތުން ހޮވޭ ނަސީބުވެރި ފަރާތަކަށް އިތުރު މީހަކާ އެކު މި ތަޖުރިބާ ލިބޭނެއެވެ.
ގުރުއަތުން ހޮވޭ ފަރާތަށް ލިބޭ އިނާމުތަކުގެ ތެރޭގައި ފޯމިއުލާ 1 ސިންގަޕޫރު ގްރޭންޑް ޕްރީ 2026 ގެ ތިން ދުވަހުގެ އެކްސެސް ލިބޭ އެމެކްސް ސްކައި ސޫޓް 2 ޓިކެޓާއި ނަސީބުވެރި ފަރާތާއި އިތުރު މީހެއްގެ ދެކޮޅު ޓިކެޓާއި އިވެންޓް ކުރިއަށްދާ މުއްދަތުގައި ހޮޓެލް އެކޮމޮޑޭޝަން ހިމެނެއެވެ.
ބީއެމްއެލް އިން ބުނީ މި ޕްރޮމޯޝަނަކީ ކަސްޓަމަރުންނަށް ޚާއްޞަ ލައިފްސްޓައިލް މަންފާތަކާއި އަގުހުރި ތަޖުރިބާތަކުގެ އިތުރުން މަދުން ނޫނީ ނުލިބޭ ފަދަ ތަފާތު ފުރުސަތުތައް ލިބިގެންދާ ޕްރޮމޯޝަނެއް ކަމަށެވެ.
Advertisement
This content is created and paid for by advertisers and does not involve Voice Journalists
