ރާއްޖޭގެ 61 ވަނަ މިނިވަން ދުވަހާ ގުޅުވައިގެން އުރީދޫ މޯލްޑިވްސްއިން ކަސްޓަމަރުންނަށް ޚާއްޞަ އެތައް އޮފާއެއް މިއަދު އިއުލާނުކޮށްފިއެވެ.

މީގެ ތެރެއިން ފާހަގަކޮށްލެވޭ އެއް އޮފާއަކީ "މިނިވަން 61 ޕެކް" ގެ ނަމުގައި ހުޅުވައިލި ޑޭޓާ ޕެކެވެ. މި ޕެކުގެ ދަށުން 61 ރުފިޔާ ދައްކައިގެން 24 ގަޑިއިރަށް 61 ޖީބީގެ ޑޭޓާ ލިބޭނެއެވެ. ޕްރީޕެއިޑް އަދި ޕޯސްޓްޕެއިޑް ކޮންމެ ކަސްޓަމަރަކަށް ވެސް މި ޕެކް އެކްޓިވޭޓް ކުރެވޭނެ ކަމަށް އެ ކުންފުނިން ބުނެފައިވެއެވެ. މި އޮފާ ކުރިއަށް ގެންދާނީ 25 އިން 31 ޖުލައި 2026 އަށެވެ.

ހަމައެހެންމެ އެ މުއްދަތުގެ ތެރޭގައި މިނިވަން 61 ޕެކް ގާތް ފަރާތްތަކަށް ހަދިޔާކުރެވޭ ގޮތް ވެސް ވަނީ ހަމަޖައްސައިފައެވެ. މީގެ އިތުރުން 26 ޖުލައި 2026 ވާ އާދިއްތަ ދުވަހުގެ މެންދުރުފަހު 15:00 އިން ހަވީރު 16:00 އަށް ޕްރީޕެއިޑް ކަސްޓަމަރުންނަށް އުރީދޫ ނަންބަރުތަކަށް ހިލޭ ކޯލް ކުރެވޭނެ ކަމަށާއި ހިލޭ އެސް.އެމް.އެސް ވެސް ކުރެވޭނެ ކަމަށް އެ ކުންފުނިން ބުނެފައިވެއެވެ. މި ޚިދުމަތް ލިބޭނީ ހަމައެކަނި ޕްރީޕެއިޑް ކަސްޓަމަރުންނަށެވެ.

އުރީދޫން ބުނީ "މިނިވަންދުވަސް ފާހަގަކުރާއިރު ކަސްޓަމަރުންނަށް ގުޅިފައި ތިބުމަށާއި އުފާވެރިކަން ޙިއްޞާކުރުމާއި ހަލުވި ސްޕީޑްގެ ޑިޖިޓަލް ޚިދުމަތްތައް ތަޖުރިބާކުރުމުގެ ފުރުޞަތުތައް ފަހިކޮށްދިނުމަކީ އަޅުގަނޑުމެންނަށް ލިބޭ ވަރަށް ބޮޑު އުފަލެކެވެ" ކަމަށެވެ.

މި ހުރިހާ އޮފާއެއް ވެސް ކަސްޓަމަރުންނަށް ސީދާ އުރީދޫ އެޕް މެދުވެރިކޮށް އެކްޓިވޭޓް ކޮށްލެވޭނެއެވެ