މޯލްޑިވްސް އިންޑަސްޓްރިއަލް ފިޝަރީޒް ކޮމްޕެނީ (މިފްކޯ) އިން އެ ކުންފުނީގެ ފަސްމީރު ބްރޭންޑުގެ ހަތަރު ރަހައެއް އެކުލެވޭ ޚާއްޞަ ހަދިޔާ ޕެކެއް މިއަދު ތަޢާރަފުކޮށްފިއެވެ.
ޖުމްލަ 12 މަސްދަޅު އެކުލެވޭ މި ޕެކޭޖުގައި ހިމެނެނީ މައިގަނޑު ހަތަރު ބާވަތެއްގެ އުފެއްދުންތަކެވެ. އޭގެ ތެރޭގައި ހިމެނެނީ:
- ކަނޑުމަސް ގިތެޔޮ މިރުހާއެކު
- ކަނޑުމަސް ލުނބޯ އަދި މިރުހާއެކު
- ކަނޑުމަސް އަސޭމިރުހާއެކު
- ކަނޑުމަސް ހިކި މިރުހާއެކު
މިފްކޯއިން ބުނީ ކޮންމެ ރަހައަކުން ތިން ދަޅު ހިމެނޭ މި ޕެކް 221 ރުފިޔާއަށް ލިބޭ އިރު ވަކިވަކީން ދަޅު ގަތުމަށް ވުރެ ހެޔޮ ވާނޭކަމަށެވެ.
މި ޕެކޭޖު ފަރުމާކޮށްފައި ވަނީ ޢާއިލާ އަދި ރައްޓެހީންނަށް ހަދިޔާގެ ގޮތުގައި ދެވޭނެ ގޮތަށެވެ. ހަދިޔާ ލިބޭ ފަރާތުގެ ނަން ޕެކޭޖުގައި ޖެހޭނެ އިންތިޒާމު ހަމަޖެހިފައިވާ އިރު ދަތުރުމަތީގައި ފޮށްޓަށް ނުވަތަ ދަބަހަށް ލައިގެން ފަސޭހައިން އުފުލޭ ގޮތަށް ވެސް މި ޕެކްތައް ތައްޔާރު ކޮށްލެވޭނޭކަމަށް މިފްކޯއިން ބުންޏެވެ.
މި އައު އުފެއްދުމަކީ ކަސްޓަމަރުންގެ ބޭނުންތަކަށް ބަލައި ފެންވަރު މަތީ އީޖާދީ އުފެއްދުންތައް ބާޒާރަށް ނެރުމަށް ކުންފުނީން ކުރަމުންދާ މަސައްކަތުގެ ތެރެއިން ނެރުނު ޕެކެކެވެ. މާލެ އަދި ހުޅުމާލޭގައި ހުންނަ މިފްކޯގެ މަސްފިހާރަތަކުން މި ހަދިޔާ ޕެކް މިހާރު ގަންނަން ލިބެން ހުންނާނޭކަމަށްވެސް މިފްކޯއިން ބުނެއެވެ.
Advertisement
This content is created and paid for by advertisers and does not involve Voice Journalists
