އިސްރާއީލުން ހުޅަނގު އައްސޭރީގައި ޣައިރުގާނޫނީ އާބާދީތައް ފުޅާކުރުން ހުއްޓާލަންޖެހޭ ކަމަށް ކެނެޑާއިން ބުނެފިއެވެ.
ފަލަސްތީނުގެ ވެސްޓްބޭންކްގައި އިސްރާއީލުން ބައިނަލްއަޤްވާމީ ޤާނޫނުތަކާ ހިލާފަށް ޔަހޫދީން އާބާދުކުރަމުންދާ މައްސަލާގައި ކެނެޑާއިން އިސްރާއީލުން ހިންގަމުންދާ އެ އަމަލުތައް ހަރުކަށި އިބާރާތުން ކުށްވެރިކުރާކަމަށެވެ ކެނެޑާގެ ހާރިޖިއްޔާގެ އެކްސް އެކައުންޓްގައި ކުރި ޕޯސްޓެއްގައި ބުނެފައިވަނީ ޣައިރުގާނޫނީ ގޮތުގައި އުފައްދަމުންދާ އާބާދީތައް ފުޅާކުރުން ވަގުތުން "ހުއްޓާލަންޖެހޭ" ކަމަށެވެ.
ކެނެޑާއިން ބުނީ މިފަދަ އާބާދީތަކަކީ ބައިނަލްއަގުވާމީ ގާނޫނުތަކާ ހިލާފު ތަންތަން ކަމަށާއި، މީގެ ސަބަބުން ސަރަހައްދުގެ ސުލްހައާއި، ސަލާމަތާއި އަދި ހަމަޖެހުމަށް އޮތް ފުރުސަތުތަކަށް ބުރޫއަރާ ކަމަށެވެ.
އދ. ގެ އިންސާނީ ހައްގުތަކާބެހޭ އޮފީހުން ހާމަކޮށްފައިވާ ގޮތުގައި، އިސްރާއީލުގެ ވަޒަންވެރިން ފަލަސްތީނު ރައްޔިތުންނަށް ދެމުންދާ ހަމަލާތަކާއި ޣައިރުގާނޫނީ އާބާދީތައް ފުޅާކުރުމުގެ މަސައްކަތްތައް މިހާރު ވަނީ މީގެ ކުރިން ދުވަހަކުވެސް އިތުރުނުވާ މިންވަރަށް މައްޗަށް ގޮސްފައެވެ.
ހުޅަނގު އައްސޭރީގައި ޔަހޫދީން އާބާދުކުރަމުންދާ މައްސަލާގައި ފްރާންސުންވެސް ވަނީ ނުރުހުން ފާޅުކޮށްފައެވެ. ފަލަސްތީނުގެ ސަރަހައްދެއް ކަމަށްވާ ހުޅަނގު އައްސޭރީގައި ޔަހޫދީން އާބާދުކުރުން ފްރާންސުން ސިފަކޮށްފައިވަނީ އެއީ ބޮޑު ޖަރީމާއެއްގެ ގޮތުގައެވެ.
Advertisement
This content is created and paid for by advertisers and does not involve Voice Journalists
