ބޭންކް އޮފް މޯލްޑިވްސްއިން އިންތިޒާމްކުރާ އޭޝިއަން ބޭންކާސް ކޮންފަރެންސް މިއަހަރުގެ ސެޕްޓެމްބަރުމަހުގެ އެއްވަނަ ދުވަހު ބޭއްވުމަށް ތާވަލްކޮށްފިއެވެ.

އޭޗިއަން ބެންކާސް ކޮންފަރެންސް ރާއްޖޭައި ބޭއްވުމަށް ހަމަޖެހިފައިވާކަން އިއުލާނުކޮށްފައިވަނީ މިދިޔަ އަހަރުގެ ސެޕްޓެމްބަރުމަހުގެ 15 އަދި 16 ވަނަ ދުވަހު ބޫޓާނުގައި ބޭއްވި 41 ވަނަ އޭބީއޭ ކޮންފަރެންސްގައެވެ. ބޭންކާސް ކޮންފަރެސް ބާއްވާނެ ތާރީހު ބީއެމްއެލުން އާއްމުކުރިއިރު، މިހާރު ވަނީ އެ ކޮންފަރެންސްގައި ބައިވެރިވުމަށް ރަޖިސްޓަރކުރުމުގެ ފުރުސަތުވެސް އާއްމުކޮށް ހުޅުވާލާފައެވެ. 

މިފަހަރުގެ ބޭންކާސް ކޮންފަރެސް ކުރިއަށްދާނީ ސެޕްޓެމްބަރުމަހުގެ އެކަކުން ތިނަކަށް ކުރުނބާ ރިސޯޓްގައެވެ.

މީ އެމްއެލުން ބުނީ މި ކޮންފަރެސްގައި ބައިވެރިވުމަށް ބޭނުންވާ ފަރާތްތަކުން https://abamaldives2026.mv މި ލިންކް މެދުވެރިކޮށް ރަޖިސްޓްރީ ވެވޭނޭކަމަށެވެ.

ބޫޓާނުގައި މިދިޔަ އަހަރު ބޭއްވި އޭޝިއަން ބޭންކާސް ކޮންފަރެންސްގައި ވަނީ އޭބީއޭގެ ވައިސް ޗެއަރމަންގެ މަގާމަށް ބޭންކުގެ ސީއީއޯ އަދި މެނޭޖިންގ ޑިރެކްޓަރ މުޙައްމަދު ޝަރީފްވަނީ އައްޔަންކޮށްފައެވެ. ބީއެމްއެލްގެ ސީއީއޯ އަދި މެނޭޖިންގ ޑިރެކްޓަރ މުޙައްމަދު ޝަރީފް ވިދާޅުވެފައިވަނީ، "އޭބީއޭގެ 42 ވަނަ ކޮންފަރެންސް ބޭއްވުމުގެ ފުރުސަތު ބީއެމްއެލްއަށް ލިބުމަކީ ލިބުނު ވަރަށް ބޮޑު ޝަރަފެއްކަމަށެވެ. އަދި މިއީ ރާއްޖޭގެ ކުރިއަރަމުން އަންނަ މާލީ ދާއިރާ ބޭރު ދުނިޔެއަށް ދައްކާލައި، ބޭރު ދުނިޔެއާ ގުޅިގެން މަސައްކަތް ކުރުމުގެ ރޫހު އާލާކުރުމަށް ލިބޭ މުހިންމު ފުރުސަތެއް ކަމަށް އޭނާ ފާހަގަކުރެއްވިއެވެ.

މިއީ އޭބީއޭގެ ކޮންފަރެންސެއް ބީއެމްއެލް އިން ބާއްވާ ދެވަނަ ފަހަރެވެ. ބީއެމްއެލުން ވަނީ މީގެ ކުރިން 2018 ވަނަ އަހަރު ކާމިޔާބުކަމާއެކު ކޮންފަރެންސެއް ބާއްވާފައެވެ.

މި ކޮންފަރެންސްގައި އޭބީއޭ މެންބަރު ގައުމުތަކުގެ ސީއީއޯއިން، ސީނިއަރ އެގްޒެކްޓިވުން، އަދި އިންޑަސްޓްރީގެ މާހިރުން ބައިވެރިވާނެއެވެ. މި ކޮންފަރެންސްގައި ބޭންކިންގ އަދި ފައިނޭންޝަލް ސަރވިސަސް ދާއިރާއަށް މުހިންމު މައުޟޫތަކާ ގުޅޭ މަޝްވަރާތަކާއި، ވަރކްޝޮޕްތަކާއި، ނެޓްވަރކިންގ ސެޝަންތައް ހިމެނޭނޭކަމަށް ބީއެމްއެލުން ބުނެއެވެ.