ކަޕްވިނާސްކަޕް ފުޓްބޯޅަ މުބާރާތުގައި މިއަދު ހަވީރު ބުރު ސްޕޯޓްސް އާއި އޮޑި ސްޕޯޓްސް ކްލަބް ބައްދަލުކުރިމެޗް އޮޑި ކާމިޔާބުކޮށް މުބާރާތް ނިންމާލައިފިއެވެ.
ގަލޮޅު ދަނޑުގައި ކުޅުނު މިމެޗް ބުރުގެ މައްޗަށް އެޓީމް ކުރި ހޯދީ 2-0 ގެ ނަތިޖާއިންނެވެ. މިމެޗްގެ ތަރިއަކަށްވީ އޮޑީގެ މުޒްދާނެވެ. އޭނާ ވަނީ މިމެޗްގައި ދެ ލަނޑު ޖަހާފައެވެ. މެޗްގައި ފެނިގެންދިޔަ ފުރަތަމަ ގޯލް މުޒްދާން ޖަހާފައިވަނީ މެޗް ފަށައިގެން ދެވަނަ މިނެޓް ތެރޭގައެވެ. އަދި ތިންވަނަ ލަނޑު ޖަހާފައިވަނީ، ދެވަނަ ހާފްގެ ހަތަރުވަނަ މިނެޓް ތެރޭގައެވެ.
މިމެޗްގައި ބުރަށް ލަނޑެއް ނުޖެހުނު ނަމަވެސް އެޓީމުން ވަނީ އޮޑީގެ ޑިފެންސްލައިނަށް ބާރުބޮޑުކޮށް ގޯލަށް އަމާޒުކޮށް ނުރައްކާތެރި ހަމަލާތައް ފޮނުވާލާފައެވެ.
ކަޕްވިނާސްކަޕަށް މި ދެޓީމް އަލްވަދާއި ކިޔާފައިވާއިރު، މުބާރާތުގެ ފައިނަލަށް ދަތުރުކޮށްފައިވަނީ ނިއުރޭޑިއަންޓް ސްޕޯޓްސް ކްލަބާއި މާޒިޔާ އެވެ. ފައިނަލް މެޗް ކުޅުމަށް ހަމަޖެހިފައިވަނީ މާދަމާ ރެއެވެ.
Advertisement
This content is created and paid for by advertisers and does not involve Voice Journalists
