މަގުމަތީގައި ޑިއުޓީކުރަން ހުރި ފުލުހެއްގެ ގައިގައި ސައިކަލުން ޖައްސާ ފިލި މީހާގެ ވަނަވަރު އާންމުކޮށްފި އެވެ.
ފުލުހުން ބުނީ މަޖީިދީމަގާއި ޗާންދަނީ މަގު ގުޅޭ ކަންމަތީ ޑިއުޓީގައި ހުރި ޓްރެފިކް ފުލުހެއްގެ ގައިގައި ސައިކަލުން ޖެއްސުމަށް ފަހު ފިލަން މަސައްކަތްކުރި މީހެއްގެ މައްސަލަ ބަލަމުންދާ ކަމަށެވެ. އެކަން ހިނގީ އިއްޔެ ހަވީރު 5:34 ހާއިރު ކަމަށް ވެސް ބުންޏެވެ.
މި ހާދިސާގައި ފުލުސް އޮފިސަރަށް އަނިޔާވި އެވެ. ނަމަވެސް ލިބުނު އަނިޔާތައް ސީރިއަސް ނޫން ކަމަށް ފުލުހުން ބުންޏެވެ.
ފުލުހުން ބުނީ އެ މައްސަލައިގެ ތުހުމަތަށް ގދ. ފަރެސްމާތޮޑާ، ހަތި އުމުރުން 23 އަހަރުގެ ސާއީން އަބްދުލްގައްޔޫމް ހައްޔަރުކޮށްފައިވާ ކަމަށެވެ. އޭނާގެ ބަންދާއިމެދު ގޮތް ނިންމަން ކޯޓަށް ހާޒިރުކުރުމުން 15 ދުވަހަށް ބަންދު ކުރަން ވަނީ އަމުރުކޮށްފަ އެވެ.
މި މައްސަލާގައި ހިމެނޭ ސައިކަލު ޓޯ ކޮށް މައްސަލަ ތަހުގީގު ކުރަމުންދާ ކަމަށް ފުލުހުން ވަނީ ބުނެފަ އެވެ.
Advertisement
This content is created and paid for by advertisers and does not involve Voice Journalists
