އޯގަސްޓް 31 ވަނަ ދުވަހުގެ ހެނދުނު 07:36 ހާއިރު، ހުޅުމާލެ ފޭސް ދޭ ގައި ހިނގި ނުރައްކާތެރި އެކްސިޑެންޓްގައި އަނިިޔާވި އެކަކަށް އައިސީޔޫގައި ފަރުވާ ދޭން ފަށައިފި އެވެ.
ފުލުހުން ބުނީ ފޭސް ދޭއްގެ ދުނބުރިގަސް މަގާއި ހީނާމާ ހިނގުން ގުޅުނު ހަތަރު އަނގޮޅީގައި ކާރަކާއި ސައިކަލެއް ޖެހި ހިނގި އެކްސިޑެންޓްގައި، ސައިކަލު ދުއްވަން އިން 62 އަހަރުގެ ދިވެހި ފިރިހެން މީހާއަށް އަނިޔާވެ، ޓްރީޓޮޕް ހޮސްޕިޓަލުގައި ދަނީ ފަރުވާދެމުން ކަމަށެވެ.
އާއިލާއިން ފުލުހުންނަށް މައުލޫމާތު ދީފައިވާ ގޮތުގައި، އޭނާގެ ސިކުނޑީގެ ކަނާތް ފަރާތަށް ލޭއެޅިފައިވުމާ ގުޅިގެން އޯގަސްޓް 31 ވަނަ ދުވަހު ވަނީ ބޮލުގެ އޮޕަރޭޝަނެއް ކޮށްފައި ކަމަަށް ބުންޏެވެ. އަދި މިހާރު އޭނާއަށް ދަނީ ޓްރީޓޮޕް ހޮސްޕިޓަލުގެ އައިސީޔޫގައި ފަރުވާދެމުން ކަމަށް ވެސް ބުންޏެވެ.
ވޮއިސްއަށް އެނގިފައިވާ ގޮތުގައި އެ މީހާގެ ހާލު ވަރަށް ދެރަ އެވެ.
މި އެކްސިޑެންޓްގައި ސައިކަލުގެ ފަހަތުގައި އިން 24 އަހަރުގެ ފިރިހެނަކަށް ވެސް އަނިޔާވި އެވެ. އެއީ ދެބަފައިންނެވެ. އެކްސިޑެންޓްވީ ފިރިހެންމީހާގެ ދަރިފުޅު މިސްކިތަށް ގެންދަނިކޮށް ކަމަށް ވެސް އެނގިފައިވެ އެވެ.
Advertisement
This content is created and paid for by advertisers and does not involve Voice Journalists
