ހުޅުމާލޭ ފޭސް ދޭއްގެ އެންމެ ގިނައިން އެކްސިޑެންޓްތައް ހިނގަމުން އަންނަ "ހިތިގަސްމަގު" ގައި ފުލުހުންގެ ކަމާ ބެހޭ ޓީމެއް ހަރަކާތްތެރިވެއްޖެއެވެ.
އެ ސަރަހައްދުގައި ހުރި ވޮއިސްގެ ނޫސްވެރިޔާ ބުނީ އެންމެގިނައިން އެކްސިޑެންޓްތައް ހުންނަ ވިނަރެސް ޓަވަރުތައް ހުންނަ އެމަގުގައި މިއަދު ހެނދުނުން ފެށިގެން ފުލުހުންގެ ޓީމަކުން ހަރަކާތްތެރިވަމުންދާކަމަށެވެ. ފުލުހުންނާއެކު ކުލަ ހެދުމުގައި ތިބި ބަޔަކުވެސް އެ ސަރަހައްދުގައި ދަނީ ހަރަކާތްްތެރިވަމުންނެވެ.
ހިތިގަސްމަގުގައި ފުލުހުންގެ ޓީމް ހަރަކާތްތެރިވަނީ... ފޮޓޯ: ވޮއިސް
ހީވާ ގޮތުން އެ މަގު އެނަލިސިސްގެ މަސައްކަތްތަކެއް ފުލުހުން ކުރަމުންދާއިރު، އެ މަސައްކަތް ކުރިއަށްދަނީ މަގުގެ އެންމެގިނައިން އެކްސިޑެންޓްތައް ހިނގަމުން އަންނަ ފަޅި ބަންދުކޮށްގެންނެވެ.
މިކަމާ ބެހޭގޮތުން ފުލުހުންގެ ބަހެއް އަދި ނުލިބެއެވެ.
ހިތިގަސްމަގުގައި ފުލުހުންގެ ޓީމް ހަރަކާތްތެރިވަނީ... ފޮޓޯ: ވޮއިސް
ހުޅުމާލޭގެ ހިތިގަސް މަގަކީ މިފަހުން އެންމެގިނަ އެކްސިޑެންޓްތައް ހިނގަމުން އަންނަ މަގެވެ. އެމަގުގައި މިފަހަކުން ހިނގި އެކްސިޑެންޓްތަކުގައި 9 އަހަރުގެ ކުއްޖެއްގެ ފުރާނަ ގެއްލުުއިރު، ކޮންމެ ދުވަހަކުހެން ނުރައްކާތެރި އެކްސިޑެންޓެއް ހިނގައެވެ. އަދި ގިނަ އެކްސިޑެންޓްތަކުގައި ބައެއް މީހުން ނުކުޅެދޭ ހާލަތަށް ގޮސްފައިވާކަން ފާހަގަކޮށްލެވެއެވެ.
Advertisement
This content is created and paid for by advertisers and does not involve Voice Journalists
