މި ފެށުނު 2020ވަނަ އަހަރަކީ ޗައިނާއާއި ދިވެހިރާއްޖެއަށް އުފާވެރި އަހަރަކަށް ވެގެންދާނެކަމަށް ޗައިނާ ސަރުކާރުގެ ފަރާތުން ދިވެހިރާއްޖެއަށް ކަނޑައަޅާފައި ހުންނަވާ ސަފީރު، ޝަންގ ލިޝޮންގ ވިދާޅުވެއްޖެއެވެ.

ޗައިނާގެ ސަފީރު މިހެން ވިދާޅުވީ ކުރެއްވި ޓްވީޓެއްގައެވެ.

އެބޭފުޅާ ވިދާޅުވީ ކުރިއަށް ބަލާލާއިރު، މިއަަހަރަކީ ދެގައުމަށްވެސް އުފާވެރި އަހަރަކަށް ވެގެންދާނެކަމަށެވެ. އަދި ސިއްހީ ދާއިރާގެ އިތުރުން ކުޅިވަރުގެ ތަމްރީން ހޯދުމާއި، އެކްސްޗޭންޖް ޕްރޮގްރާމްތަކާއި ދަނޑުވެރިކަމާއި ބަހުގެ ދާއިރާއިން ކުރިއެރުންތަކެއް ލިބިގެންދާނެކަމަށް ސަފީރު ވިދާޅުވިއެވެ.

ސަފީރު ޝަންގ ލިޝޮންގ ވަނީ މިކަންތައްތައް ކުރުމަށްޓަކައި ގަދައަޅައި މަސައްކަތްކުރުމަށް ގޮވާލައި، ދިވެހިންގެ އެއްބާރުލުން މުހިންމުވާނެކަމަށް ވިދާޅުވެފައެވެ.