އަތޮޅުތެރޭގެ 12 ޕަސަންޓް މީހުނަށް ދުވާލެއްގެ މައްޗައް 75ރ ނުލިބޭ: ރައީސް ޞާލިހް
ދިވެހިރާއްޖެ ތަރައްގީކުރެވެން އޮތް ހަމައެކަނި ގޮތަކީ މާލެއާއި އަތޮޅުތަކުގެ ދެމެދުގައިވާ ފަގީރުކަމުގެ ފަރަގު ނައްތާލައިގެންކަމަށް ރައީސުލްޖުމްހޫރިއްޔާ އިބްރާހިމް މުހައްމަދު ޞާލިހު ވިދާޅުވެއްޖެއެވެ.
އެމަނިކުފާނު މިހެން ވިދާޅުވީ ހދ.ކުޅުދުއްފުށީގައި މިއަދު ފެށި އިރުވައި ކޮންފަރެންސް ފެށުމުގެ ރަސްމިއްޔާތުގައި ވާހަކަފުޅު ދައްކަވަމުންނެވެ.
ރައީސް ޞާލިހު ވިދާޅުވީ ރާއްޖެ ތަރައްގީކުރުމަކީ މާލެ ކައިރީގައި އޮތްތަނެއް ނުވަތަ މާލެ ތަރައްގީ ކުރުމެއް ނޫންކަމަށެވެ. އަދި މާލެއާއި އަތޮޅުތަކާއި ދެމެދުގައިވާ ފަގީރުކަމުގެ ފަރަގު ނައްތާނުލެވި ތަރައްގީ ނުކުރެވޭނެކަމަށް އެމަނިކުފާާނު ވިދާޅުވިއެވެ. ރައީސްގެ ވާހަކަފުޅުގައި ވަނީ މުސާރައާއި އުޖޫރައާ ގުޅޭގޮތުން ލަފާދޭ ބޯޑުން އެކުލަވާލި މިނިމަމް ވޭޖްގެ ރިޕޯޓަށްވެސް އަލިއަޅުއްވާލައްވާފައެވެ.
އެގޮތުން އެ ބޯޑްގެ ރިޕޯޓްގައި ދިވެހިރާއްޖޭގައި ޒަރޫރީ ބޭނުންތައް ފުއްދުމަށްޓަކައި ދުވާލެއްގެ މައްޗަށް 74 ރުފިޔާ ލިބެންޖެހޭކަމަށް ބުނެފައިވާކަަމަށް އެމަނިކުފާނު ހާމަކުރެއްވިއެވެ. އަދި މި އަދަދު ނުލިބޭ މީހުން އަތޮޅު ތެރޭގެ ރަށްރަށުގައި ގިނަކަން އެމަނިކުފާނު ފާހަގަކުރެއްވިއެވެ.
އެގޮތުން އަތޮޅުތެރޭގެ އާބާދީގެ 12ޕަސެންޓަށް މިވަރު ނުލިބޭކަން ރައީސް ޞާލިހު ފާހަގަކުރެއްވިއެވެ.
Advertisement
This content is created and paid for by advertisers and does not involve Voice Journalists