ހަރަދު ކުޑަކުރުމަށް ސަރުކާރުން ސާކިއުލާނެރުމަށްފަހު އިތުރު ސިޔާސީ ދެ މަޤާމު އުފައްދައިފި!
ރާއްޖެ އިޤްތިސާދީ ގޮތުން ބޮޑެތި ގެއްލުންތަކެއް ވާނެކަމަށް ދިވެހި ސަރުކާރުން އަންގާފައިވަނިކޮށް ޔޫތު މިނިސްޓްރީގެ ޔޫތު އެސޯސިއޭޓުގެ މަޤާމަށް ގއ. ވިލިނގިލި ދައުސް އަމީޒް މިއަދު ވަނީ އައްޔަން ކުރައްވާފައެވެ.
ކޮވިޑް-19 ގެ ނުރައްކާ ބޮޑު ވެ ދުނިޔޭގެ ޤައުމުތަކުން ވެސް އިޤްތިސާދީ ގޮތުން އަންނަނީ ހަރަދު ކުޑަކުރުމުގެ ފިޔަވަޅުތައް އަޅަމުންނެވެ. އެގޮތުން ސިންގަޕޯއިން ވަނީ އެ ޤައުމުގެ ސިޔާސީ މަޤާމްތަކުގެ މުސާރަ އެތައް ގުނައެއް ކަނޑަން ނިންމާފައެވެ.
ރާއްޖެއިންވެސް ވަނީ ކޮވިޑް-19 ގެ ސަބަބުން ޓުއަރިޒަމްގެ އާމްދަނީ ކުޑަވާނެތީ ހަރަދު ކުޑަކުރުމަށް ގިނަ ފިޔަވަޅުތަކެއް އެޅުމަށް ނިންމާފައެވެ.
ރާއްޖެއިން މިދިޔަ މަހު ފިނޭންސުން ނެރުނު ސާކިއުލާއެއްގައިވަނީ ދައުލަތުގެ މުވައްޒަފުންގެ އިތުރު ގަޑީގެ ފައިސާ ލިމިޓު ކުރުމަށާއި ބަޖެޓު ކުރެވިފައި ހުރި ނަމަވެސް އިތުރު މަޤާމުތަކަށް މީހުން އައްޔަން ނުކުރަމަށެވެ.
މީގެ އިތުރުންވެސް ހިއުމަން ރައިޓްސް ކޮމިޝަން އޮފް ދަ މޯލްޑިވްސްއިން ބަލަމުންދާ މައްސަލައަކާއި ގުޅިގެން މަގާމުން އެކަހެރި ކުރެވުނު ކުޑަކުދިންގެ ހިޔާގެ ޗީފް އެގްޒެކެޓިވް އޮފިސަރ ގއ. ކޮލަމާފުށި، އޯކިޑްވިލާ، ޢަބްދުއްޝުކޫރު ޢަބްދުލްޙަކީމްއަށް މިއަދު ވަނީ ޖެންޑަރ މިނިސްޓްރީގެ ޑެޕިއުޓީ މިނިސްޓަރަކަށް އައްޔަންކޮށްފައެވެ.
Advertisement
This content is created and paid for by advertisers and does not involve Voice Journalists