މާދަމާ ދަންވަރުން ފެށިގެން އިޓަލީ މީހުން ރާއްޖެއަށް އައުން މަނާ!
އިޓަލީވިލާތުން ފަތުރުވެރިން ރާއްޖެއަށް އައުން މަނާކުރަން ސަރުކާރުން ނިންމައިފިއެވެ.
އެގޮތުން މާދަމާ ދަންވަރު 12:00 އިން ފެށިގެން އިޓަލީން އަންނަ ޓޫރިސްޓުންނަށް ރާއްޖެއަކަށް އެތެެރެ ނުވެވޭނެކަމަށް ޓޫރިޒަމް މިނިސްޓަރ އަލީ ވަހީދު ވަނީ ނޫސްވެރިންގެ ބައްދަލުވުމުގައި އިއުލާންކުރައްވާފައެވެ.
އަލީ ވަހީދު ވިދާޅުވީ މި ނިންމެވުން ނިންމާފައިވަނީ މިވަގުތު ދިވެހިންގެ ސިއްހަތު މުހިންމު ކަމަށް ފެންނާތީކަމަށާއި، މި ފިޔަވަޅުގެ ސަބަބުން ފަތުރުވެރިއަކަށް ގެއްލުން ނުވާނެ ގޮތަކަށް ސަރުކާރުން ފިޔަވަޅު އަޅާނެކަމަށެވެ.
ސަރުކާރުން ވަނީ އިޓަލީން ދިވެހިރާއްެޖެއަށް އަންނަ ފަރާތްތަކާއި، އެގައުމުގައި ޓްރާންސިޓް ކުރުމަށްފަހު އަންނަ ފަރާތްތައްވެސް ރާއްޖެއަށް ވަނުން މަނާާކޮށްފައެވެ.
މީގެ އިތުރުން ރާއްޖެެއިން ފުރަން ބޭނުންވާ އިޓަލީގެ ފަރާތްތަކަށް އެކަން ފަހިކޮށްދޭން މާދަމާ އެއާޕޯޓުގައި ޚާއްސަ ހެލްޕް ޑެސްކެއްވެސް ގާއިމްކުރާނެކަމަށް އަލީ ވަހީދު ވިދާޅުވިއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
