ހުޅުމާލޭ ހޮސްޕިޓަލަށް ވިހެއުމަށް ދިޔަ މާބަނޑު އަންހެނަކު ކޮވިޑް-19 އަށް ޕޮޒިޓިވްވެއްޖެއެވެ.

މިކަން ވަނީ ހެލްތު އިމަރޖެންސީ އޮޕަރޭޝަންސް ސެންޓަރުގެ ފަރާތުން މީޑިޔާތަކަށް ކަށަވަރުކޮށްދީފައެވެ. މި އަންހެންމީހާ ޕޮޒިޓިވްވިކަން އެނގުނީ އޭނާ ވިހެއުމަށްޓަކައި ހޮސްޕިޓަލްގައި އެނދުމަތިވުމަށް ގޮސް ހެދި ޓެސްޓްތަކުންނެވެ.

މިކަމާއި ގުޅިގެން ހެލްތު މިނިސްޓްރީން މިހާތަނަށް އިތުރު މައުލޫމާތެއް ހާމަކޮށްފައެއް ނުވެއެވެ.

މިހާތަނަށް ދިވެހިރާއްޖެއިން 3175 މީހުން ކޮވިޑް-19 އަށް ވަނީ ޕޮޒިޓިވްވެފައެވެ. އަދި މިވަގުތު ފަރުވާދެމުންދަނީ 647 މީހުންނަށެވެ.