ޝަމްއާންގެ މައްޗަށް ދައުލަތުން އުފުލީ ފޭރުމުގައި ބައިވެރިވުމުގެ ކުށުގެ ދައުވާ އާއި ރަސްމީ ހައިސިއްޔަތު ނަހަމަ ގޮތުގައި ބޭނުންކުރުމުގެ ކުށުގެ ދައުވާ އާއި މަނީ ލޯންޑްރިންގެ ކުށުގެ ދައުވާއެވެ. އިމިގްރޭޝަންގެ ބެލުމުގެ ދަށުގައި ހުރި ބިދޭސީއެއް ދޫކޮށްލުމަށްފަހު އެ މީހާގެ އަތުން 500،000 ރުފިޔާ އަތުލައި އިމިގްރޭޝަންގެ މުވައްޒަފުންތަކެއް ލައްވައި އެ ފައިސާ ޝަމްއާންގެ ގެއަށް ގެންދިޔަ ކަމަށް ތުހުމަތުކޮށް ކުރި މި ތިން ދައުވާ ވެސް ކްރިމިނަލް ކޯޓުން ސާބިތުކޮށްފައިވެއެވެ.