އިންޑިއާގެ ހަމަލާތަކަށް ރައްދު ދިނުމުގެ ހައްގާއި ގާބިލްކަން ލިބިފައިވާ ކަމަށް ވެސް ޕާކިސްތާނުން ބުންޏެވެ.

މިގޮތުން، ޕާކިސްތާނުގެ މަސްރަހު މިހާރަށް ވުރެން ގޯސްވާނަމަ، އެ ގައުމުގައި ތިބި ދިވެހި ރައްޔިތުންނަށް އެހީތެރިކަން ފޯރުކޮށްދޭނެކަމުގެ ޔަގީންކަން ދީފައިވެ އެވެ.

އިންޑިއާ އާއި ޕާކިސްތާނުގެ ދެމެދުގައި ހިނގަމުންދާ ހަމަނުޖެހުން އިތުރަށް ގޯސްވެ، ދެ ޤައުމުގެ މެދުގައި ހިނގި ހަމަލާތަކުގައި މިހާތަނަށް 44 މީހުން މަރުވެއްޖެއެވެ.

ޕަހަލްގާމްގައި ހިނގި އަނިޔާވެރި ޓެރަރިސްޓް ހަމަލާއަށް ވަރުގަދަ ޖަވާބެއްގެ ގޮތުގައި، 25 އިންޑިއާ އަދި 1 ނޭޕާލް ރައްޔިތެއް ހިމެނޭ ގޮތަށް 26 އާންމު ރައްޔިތުންގެ ފުރާނަ ގެއްލުނު ހަމަލާއަށް ރައްދު ދިނުމުގެ ގޮތުން، މެއި 7 ވަނަ ދުވަހުގެ ފަތިހު އިންޑިއާގެ ހަތިޔާރުވެރި ބާރުތަކުން ޕާކިސްތާނާއި ޕާކިސްތާނުގެ ބާރުގެ ދަށުގައިވާ ކަޝްމީރުގެ 9 ސަރަޙައްދަކަށް ހަމަލާ ދިނެވެ. މި އޮޕަރޭޝަނަށް ކިޔުނީ 'އޮޕަރޭޝަން ސިންދޫރު' އެވެ.