ބައިނަލްއަގުވާމީ ޖަމިއްޔާ އަކާއި ގުޅިފައިވާ ނަމަވެސް، ކޮންމެ އެސޯސިއޭޝަނަކުންވެސް ފުރަތަމަ ތަބާވާން ޖެހޭނީ އެޤައުމެއްގެ ޤާނޫނާއި ގަވާއިދަށް ކަމަށް ކޮމިޝަނަރ އޮފް މުހައްމަދު ޠަލާލް ވިދާޅުވެއްޖެއެވެ.

ސިނަމާލެ ބްރިޖު މަތީ ހިނގި މި އެކްސިޑެންޓާ ގުޅިގެން ފުލުހުން ވިދާޅުވީ، މި އެކްސިޑެންޓް ހިނގާފައި ވަނީ މީގެ ކުޑަ އިރުކޮޅެއް ކުރިން ކަމަށާއި މިހާޜު އެ ސަރަހައްދުގައި ފުލުހުން ހަރަކާތްތެރިވަމުން ދާ ކަމަށެވެ. ފުލުހުން މައުލޫމާތު ދެއްވިގޮތުގައި، އެކްސިޑެންޓުގައި އަނިޔާ ވަނީ ފިރިހެނަކަށާއި ކުޑަކުއްޖަކަށް އަނިޔާވެފައެވެ. އެކްސިޑެންޓުގައި ޒަޚަމްވި ފަރާޓްތައް ހޮސްޕިޓަލަށް ގޮސް ފަރުވާދެމުން ދާކަމަށް ފުލުހުން ވިދާޅުވިއެވެ.

ރައީސުލްޖުމްހޫރިއްޔާ ޑރ މުހައްމަދު މުޢިއްޒު ވެވަޑައިގަންނަވާ ވަޢުދުތައް ވެވަޑައިގަންނަވަނީ ހަމައެކަނި ރައްޔިތުންގެ ވޯތު ހޯއްދަވަން ނޫން ކަަށް މަޖިލީހުގެ ވިލިމާލޭ ދާއިރާގެ އިންތިޚާބީ މެންބަރު މުހައްމަދު އިސްމާއީލް ވިދާޅުވެއްޖެއެވެ.

މި މަހުގެ 27 އިން 29 އަށް ޗައިނާގެ ޝަންހާއީގައި ބާއްވާ އައިޓީބީ ޗައިނާ 2024 ގެ އޮފިޝަލް ޕާޓްނަރ މަންޒިލުގެ ގޮތުގައި ދިވެހިރާއްޖެ ކަނޑައެޅިކަން އައިޓީބީ ޗައިނާއިން އިއުލާންކޮށްފައިވަނީ މިއަދުގެ ވަގުތެއްގައެވެ. މި ޝޯގެ ތެރެއިން އެމްއެމްޕީއާރުސީއިން، ދިވެހިރާއްޖޭގެ ފަތުރުވެރިކަން އިސްތިހާރުކުރުމަށްތަފާތު އެކިއެކި ހަރަކާތްތަކެއް ބާއްވަން ވަނީ ހަމަޖެހިފައެވެ. އެގޮތުން އައިޓީބީ ޗައިނާގައި ބައިވެރިވާ ހުރިހާ ފަރާތްތަކަށް ވެސް ދިވެހިރާއްޖޭގެ ޘަޤާފަތާއި ތަރިކަ ތަޖުރިބާ ކޮށްލުމުގެ ފުރުސަތު ފޯރުކޮށްދެވޭނެއެވެ.

ދަތުރުފަތުރާއި މަދަނީ އުދުހުންތަކާ ބެހޭ ވުޒާރާއިން މިއަދު ކުރި އިޢުލާނެއްގައިވަނީ، ގްރޭޓަރ މާލެ ސަރަހައްދުގައި ހަތަރު ފުރޮޅުލީ އުޅަނދުގައި ޓެކްސީ ކުރުމުގެ އަގުތަކަށް ބަދަލު ގެންނަކަމަށާއި، ބަދަލު ގނެސްފައިވާ އަގުތަކަށް 20 މޭ 2024 ވާ ހޯމަ ދުވަހުން ފެށިގެން ޢަމަލުކު ރަންޖެހޭނެ ކަމަށެވެ.

މިއަދު އެޗްޑީސީއިން ނެރުނު ބަޔާނެއްގައި ބުނެފައި ވަނީ ހުޅުމާލޭގެ 2 ވަނަ ފިޔަވީގެ ރުއްގަނޑު 3 ގެ ބީޗް ސަރަހައްދުގައި އަމިއްލަ ފަރާތްތަކުން ހަދާފައިވާ ހަޓްތަކާއި އެތާނގައި ބަހައްޓާފައިވާ ތަކެތި ނަގަން އަންގާކަމަށެވެ. އެގޮތުން ހަޓްތަކާއި އެހެނިހެންވެސް ތަކެތި ނަގަން އެޗްޑީސީއިން ދީފައިވަ ސުންގަޑިއަކަށް ދީފައިވަނީ މިމަހުގެ 30 ވަނަ ދުވަހެވެ.

ދިވެހިބަހާއި ސަގާފަތާއި ތަރިކައާ ބެހޭ ވަޒީރު އާދަމް ނަޞީރު އިބްރާހީމް އަޒަރްބައިޖާނަށް ކުރައްވަމުން ގެންދަވާ ދަތުރުފުޅުގައި އެގައުމުގެ ސަގާފަތާ ބެހޭ ވަޒީރު ހިޒް އެކްސެލެންސީ ޢާދިލް ކަރިމްލީއާ ބައްދަލު ކުރައްވައި، އަޒަރްބައިޖާނާއި އެކު ސަގާފަތާއި ތަރިކައިގެ ދާއިރާއިން ގުޅުން ބަދަހި ކުރުމާއި ގުޅޭ ގޮތުން މަޝްވަރާކޮށްފިއެވެ.

މިއަދު ސްޓެލްކޯއިން ހާމަކުރެއްވި ގޮތުގައި އަދ. ފެންފުށްޓަށް ދިމާވެފައިވާ ކަރަންޓުގެ މައްސަލަ ޙައްލުކުރުމަށް، އިންޖީނުގޭގެ ޕެނަލް ބޯޑު އަޕްގްރޭޑްކޮށް މިހާރު ވަނީ ބޭނުން ކުރަންފަށާފައެވެ. އަދި، މިއާއެކު، ފެންފުށީގައި ސްޓެލްކޯއިން ދެމުންގެންދާ ޚިދުމަތުގެ ފެންވަރު އިތުރަށް ރަނގަޅުކުރެވި، އެކަމުގެ ފަސޭހަތައް ފެންފުށީ ރައްޔިތުންނަށް ލިބެމުން ދާ ކަމަށްވެސް ސްޓެލްކޯއިން ބުނެއެވެ.