ރައްޔިތުންނަށް ލިބިފައިވާ ބާރުގެ ބޭނުންކޮށްގެން ކައުންސިލްތައް ޖަވާބުދާރީ ކުރުމަށް ސިޓީތަކާއި އިދާރީ ދާއިރާތައް ހިންގުމާއި އާންމު މަސައްކަތްތަކާއި ބެހޭ ވަޒީރު އާދަމް ޝަރީފު ޢުމަރު އެދިވަޑައިގެންފި އެވެ.

މާލޭގައި ފުޅާ ދާއިރާއެއްގައި ޑޮލަރުގެ ވިޔަފާރިކުރި ދެ ބިދޭސީން ރޭ އިމިގްރޭޝަނުން އަތުލައިގެންފިއެވެ.

ހީނާ މިއަދު އެކްސް ގައި ކުރެއްވި ޕޯސްޓެއްގައި ވިދާޅުވެފައިވަނީ މި ޖުލައިމަހުގެ 7 ވަނަ ދުވަސް (އަންނަ އާދީއްތަ ދުވަސް) ކުރިންވެސް ކަނޑައެޅިފައިވާ ގޮތަށް ސަރުކާރު ބަންދު ދުވަހެއްގެ ގޮތުގައި ހަމަޖެހިފައިވާ ކަމަށެވެ.

ފަލަސްތީނުގެ ރައްޔިތުންނަށް އެހީވުމަށްޓަކައި ދިވެހިރާއްޖޭގައި ބޭއްވުނު ޚާއްޞަ ޓެލެތޯނުން ހޯދުނު 19 މިލިއަން ރުފިޔާ މިނިސްޓްރީ އޮފް ފޮރިން އެފެއާޒާ ހަވާލުކޮށްފިއެވެ. ޓެލެތޯނުން ލިބުނު ފައިސާގެ ރަމްޒީ ޗެކު ހަވާލުކުރެއްވީ، މިއަދު ޕީއެސްއެމްގެ ސްޓޫޑިއޯގައި ބޭއްވުނު ޚާއްސަ ނޫސްވެރިންގެ ބައްދަލުވުމެއްގައި، ޕީއެސްއެމްގެ މެނޭޖިންގ ޑިރެކްޓަރ ޒީނާ ޒާހިރެވެ. ފޮރިން މިނިސްޓްރީގެ ފަރާތުން އެ ފައިސާގެ ރަމްޒީ ޗެކާ ހަވާލުވެވަޑައިގެންނެވީ ފޮރިން މިނިސްޓަރ މޫސާ ޒަމީރެވެ.

ރައީސް ޑރ.މުޢިއްޒު ސެންޓަރ ފޮރ ހަޔަރ އެޑިއުކޭޝަން (ސީއެޗްއެސްއީ) އަށް، ވަޑައިގަތުމުން އެ ސުކޫލުން ހޫނު މަރުހަބާއެއް ކިޔައިފިއެވެ. އެގޮތުން ދަރިވަރުން ތިބީ ރައީސް ޑރ.މުއިއްޒު އެ ސްކޫލްގައި ކިޔެވި ދުވަސްވަރުގެ އިންޑެކްސް ނަންބަރާއި ކްލާސް އަދި ނަންފުޅު ޖަހާފައިވާ ބެނާއެއް ތައްޔާރުކޮށް އެ ބެނާ ހިފައިގެންނެވެ. އަދި އެ ބެނާގައި "ވެލްކަމް ބެކް" ނުވަތަ އެނބުރި އައުމުން މަރުހަބާ ދަންނަވާ ކަމަށްވެސް ލިޔެފައި ވެއެވެ.

އިންޑިއާގެ މަނިޕާލް ހޮސްޕިޓަލުން ދޭ ފަރުވާތަކުގެ އަގު ބޮޑުވުމުގެ ސަބަބުން، އެ ހޮސްޕިޓަލަށް އާސަންދަ ދިނުން ވަގުތީ ގޮތުން މެދުކަނޑާލައިފިއެވެ.

އައްޑޫ ސިޓީގައި ސޯޝަލް ޕްރޮޓެކްޝަން އެޖެންސީ (އެންސްޕާ) އޮފީހެއް ގާއިމުކުރުމުގެ މަސައްކަތް ކުރަމުންދާ ކަމަށް އެންސްޕާގެ ސީއީއޯ ވަލީދު ވިދާޅުވެއްޖެއެވެ.

ކޮންމެ 5 އަހަރަކުން ރައްޔިތުންގެ މަޖިލީހުގެ މެމްބަރުންގެ އަދަދު އިތުރުވަމުންދާތީ، އެކަމާއި ގުޅޭގޮތުން މެމްބަރުންގެ ހިޔާލު ހޯދުމަށް ހުށަހެޅި ގަރާރު މަޖިލީހުން ބަލައިގަނެ، މިނިވަން މުއައްސަސާތަކުގެ ކޮމިޓީއަށް ފޮނުވައިފިއެވެ.