އައްޑޫ ސިޓީގައި 10 މެގަވޮޓްގެ ފްލޯޓިން ސޯލާ ޕަވަރ ނިޒާމެއް ޤާއިމުކުރުމަށް އިންވެސްޓަރުން ހޯދަން އިއުލާންކޮށްފި އެވެ. އެގޮތުން، ލޮޓް 1 ގެ ދަށުން 2 މެގަވޮޓްގެ ފްލޯޓިންގ ސޯލާ ޕެނަލް ސ. މަރަދޫ ހާބަރ އަދި ސ. ހުޅުމީދޫ ސެންޓްރަލް ހާބަރގައި އިންސްޓޯލްކުރުމުގެ މަސައްކަތް ކުރިއަށް ގެންދިޔުމަށާއި ލޮޓް 2 ގެ ދަށުން 8 މެގަވޮޓްގެ ފްލޯޓިންގ ސޯލާ ޕެނަލް ސ. ހިތަދޫ ޕޯޓް އޭރިއާގައި އިންސްޓޯލްކުރުމުގެ މަސައްކަތް ކުރިއަށް ގެންދިޔުމަށް ހަމަޖެހިފައިވާކަމަށް ވުޒާރާއިން މައުލޫމާތުދެއެވެ.

"ސްމޯލް އައިލޭންޑްސް ހޮސްޕިޓަލް ޕްރޮޖެކްޓް"ގެ ނަމުގައި ރާއްޖޭގެ ކުދި ރަށްރަށުގެ ސިއްހީ ހިދުމަތް ރަނގަޅުކުރަން ހިންގާ މަޝްރޫއުއަށް ކުވޭތު ފަންޑް ފޯ އަރަބް އިކޮނޮމިކް ޑިވެލޮޕްމަންޓް (ކުވޭތް ފަންޑް) އިން 3،000،000 ކުވައިތީ ދީނާރު (150 މިލިއަން ދިވެހި ރުފިޔާ)ގެ ދިނުމަށް ދިވެހި ސަރުކާރާއި ކުވޭތް ފަންޑާ ދެމެދު ލޯނު އެއްބަސްވުމެއްގައި ސޮއިކޮށްފިއެވެ.