ރޭ މެންދަމު އީރާނުން ވަނީ އިސްރާއީލާ ދެކޮޅަށް ހަނގުރާމަ އިޢުލާނުކޮށް، ގިނަ ޢަދަދެއްގެ ޑްރޯނާއި މިސައިލް ފޮނުވާލާފައެވެ. އިރާނުން ފޮނުވާލި ޑްރޯންތައް ދިމިޝްޤާއި އިރާޤުގެ މަތިން އިސްރާއީލާ ދިމާލަށްދަތުރުކުރަމުން ދާއިރު، އީރާނުންން ފޮނުވާލި ފުރަތަމަ ބެޗުގެ ޑްރޯންތައް މިހާރު ވަނީ އިސްރާއިލުގެ ވައިގެ ސަރަހައްދަށް ވަދެފައެެވެ. އިސްރާއިލުގެ އަޔަން ޑޯމް އިން މިހާރު ބައެއް ޑްރޯންތައް ވައްޓަމުން ދާއިރު، އިސްރާއީލުގެ ބައެއް އަވަށްތަކަށް ޑްރޯންތަކުގެ ހަމަލާތައް އަމާޒުވެފައިވާ މައުލޫމާތު ލިބެއެވެ.

އިސްރާއީލުގެ މީޑިއާތަކުން ރިޕޯޓްކުރާ ގޮތުގައި ހުކުރު ދުވަހު ގެއްލުނު އިސްރާއީލުގެ 14 އަހަރުގެ ކުއްޖަކު ހޯދުމަށް އެތައް ސަތޭކަ ވޮލަންޓިއަރުންނެއް ފުލުހުންނާއި އިސްރާއީލުގެ ސިފައިންނާ ގުޅިގެން ދަނީ މަސައްކަތް ކުރަމުންނެވެ. އަދި ފުލުހުންނާއި އިސްރާއިޅުގެ ބައެއް ޢާންމު ރައްޔިތުން ވަނީ ރަމަﷲ ކައިރީގައި އޮންނަ އަލް މުޣައްޔިރު އަވަށަށް ވަދެ، ހިފާފައިވާ ހުޅަނގު އައްސޭރީގައި ވަނީ ބޮޑު ހަމަ ނުޖެހުންތަކެއް ހިންގާފައެވެ.