ADS BY PIZZA KITCHEN

ރޭގެ ޕޮޒިޓިވް ކޭސްތަކުގެ ތެރެއިން ގިނަ ކޭސްތައް ފެނިފައިވަނީ ހަދަމުންދިޔަ ރިސޯޓަކުން

- 1 month ago 0 - އައިޝަތު އަހުމަދު

ކޮވިޑް-19 އަށް ރާއްޖެއިން އިއްޔެ 84 މީހަކު ޕޮޒިޓިވްވިކަމަށް އިއުލާންކުރިއިރު، އޭގެ ތެރެއިން 52 ކޭހަކީ ހަދަމުންދާ ރިސޯޓެއްކަމަށްވާ ރ.ކުޑަކުރަތުގައި ޕޮޒިޓިވްވި މީހުންކަމަށް ބުނެފިއެވެ.

ADS BY PRESS HOUSE

އެޗްއޯސީން މައުލޫމާތުދިން ގޮތުގައި އެރަށުގައި މިމަހުގެ 21 އަދި 22 އޮކްޓޯބަރުގައި ޖުމްލަ 89 ސާމްޕަލް ނެގިފައިވާއިރު، އެންމެ ފުރަތަމަ ސާމްޕަލް ނަގައި ޓެސްޓްކޮށްފައިވަނީ އަލާމާތް ހުރި މީހުން ފެނިގެން ކަމަށެވެ.

އޭގެ އިތުރުން 23 އޮކްޓޯބަރުގައި ނެގުނު ސާމްޕަލް ގެ ތެރެއިން 4 ސާމްޕަލްެ ވަނީ ޕޮޒިޓިވްވެ، 24 އޮކްޓޯބަރުގައި 7 ސާމްޕަލް ވަނީ ޕޮޒިޓިވްވެފައެވެ.

އެހެންކަމުން މިއަދު މި ފެނުނު 52 ކޭސްއާއި އެކު ޖުމްލަ މިހާރު 63 ކޭސް އެރަށުން ފެނިފައިވެއެވެ. މީގެ ތެރެއިން އެކަކު މިވަގުތު ވަނީ ބ. އޭދަފުށީ ކޯވިޑް-19 ފެސިލިޓީގައެވެ.

އިއްޔެ ޕޮޒިޓިވްވި 84 މީހުންގެ ތެރޭގައި ހިމެނެނީ، 26 ދިވެހިންނާއި 58 ބިދޭސީންނެވެ. އެއީ މާލެ ސަރަހައްދުން ޕޮޒިޓިވްވި 30 މީހަކާއި އަތޮޅު ތެރެއިން ޕޮޒިޓިވްވި 54 މީހެކެވެ.

0%

0%

100%

ADS BY COCA COLA
0 ކޮމެންޓް

ހަބަރު