އިނގިރޭސި ޕްރިމިއާ ލީގްގައި މިރޭ ޓޮޓްނަމް ހޮޓްސްޕާ އާއި އެސްޓަންވިލާ ބައްދަލުކުރިމެޗް އެސްޓަންވިލާއިން ކާމިޔާބުކޮށްފިއެވެ.

ސްޕާސްގެ ދަނޑުގައި ކުޅުނު މިމެޗް އެސްޓަންވިލާ ކާމިޔާބުކުރީ 3-2 ގެ ނަތީޖާއިންނެވެ. ރޮބާޓޯ ޑި ޒާބީގެ އިރުޝާދުގެ ދަށުން ބޮޑު ހޭދައެއްކޮށްގެން ބިނާކޮށްފައިވާ ސްޕާސް ޓީމު ބަލިވީ، އެސްޓަންވިލާގެ ޖޯހަން މަންޒަމްމީ، ނިކޮލަސް ޖެކްސަން އަދި އެމީ ބުއެންޑިއާ ކާމިޔާބުކޮށްދިން ލަނޑުތަކުންނެވެ.

މެޗް ފަށައިގެން ފުރަތަމަ 20 މިނެޓުގައި ސްޕާސްގެ ފަރާތުން މޮޅު ކުޅުމެއް ފެނުނުއިރު އެސްޓަންވިލާގެ ގޯލަށް ބާރުބޮޑުވިތަން ފެނުނެވެ. މެޗްގެ އޮއިވަރު ބަދަލުވީ، ޓައިރޯން މިންގްސްގެ އަތުން ސްޕާސްގެ ކެޕްޓަން މިކީ ވެން ޑި ވެންގެ މޫނުމަތީޖެހުމުން ފަރުވާ ހޯދަން ދަނޑުން ބޭރުގައި ހުއްޓާއި މަންޒަމްބީ ޖެހި ލަނޑާއެކު ވިލާއިން މެޗުގެ ލީޑު ނެގި ހިސާބުންނެވެ.

މެޗުގެ ދެވަނަ ހާފުގައި މުހައްމަދު ކުޑޫސް ލަނޑެއް ޖަހައި ސްޕާސްއަށް އުންމީދެއް ހޯދައިދިން ނަމަވެސް، ވީއޭއާރުން ނިންމީ އެއީ އޮފްސައިޑް ލަނޑެއް ކަމަށެވެ. އޭގެ ކުޑައިރުކޮޅެއް ފަހުން ޖެކްސަން ކާމިޔާބުކުރި ލަނޑާއެކު ވިލާއިން މެޗުގެ ކޮންޓްރޯލް ހޯދިއެވެ.

އެސްޓަންވިލާ އަތުން ބަލިވުމަށްފަހު ސްޕާސް މިވަގުތު އޮތީ ތާވަލުގެ ފުލުގައެވެ. އެސްޓަންވިލާ އުޅެނީ ތާވަލްގެ 15 ވަނާގައެވެ.