ކޮވިޑް-19 ބަލީގައި ދިވެހިރާއްޖެއިން 62 ވަނަ މީހަކު ނިޔާވެއްޖެއެވެ.

އެޗްޕީއޭއިން މަޢުލޫމާތުދޭ ގޮތުގައި މިއަދު ހެނދުނު 5:06 ހާއިރު ނިޔާވެފައިވަނީ ދަރުމަވަންތަ ހޮސްޕިޓަލުގައި ފަރުވާދެމުންދިޔަ އުމުރުން 62 އަހަރުގެ ދިވެހި ފިރިހެނެކެވެ.

ދިވެހިރާއްޖެއިން މިހާތަނަށް މިބައްޔަށް ޕޮޒިޓިވްވި މީހުންގެ ޖުމްލަ ޢަދަދު ވަނީ 19،597 އަށް އަރާފައެވެ. އަދި މިބަލިން ރަނގަޅުވި މީހުންގެ ޢަދަދު ވަނީ 17،132 އަށް އަރާފައެވެ.

މި ނިމިގެންދާ ފެބްރުއަރީ މަހަކީ ދިވެހިރާއްޖޭގައި ބަލީގެ ހާލަތު އެންމެ ގޯސް ދުވަސްވަރުކަމަށް އެޗްޕީއޭއިން ވަނީ ބުނެފައެވެ. މިކަމުގެ ސަބަބުން ވަނީ ގިނަ ފިޔަވަޅުތަކެއްވެސް އަަޅާފައެވެ.