އިންތިޚާބެއް ކައިރިވުމުން ފުލެޓު ދޮންބެއާއި، ފުލެޓު މަންމައާއި، ފުލެޓު ބަފައިބެ އާއި ފުލެޓު މައިދައިތަވެސް ފެންނާނެ ކަމަށް ރައްޔިތުންގެ މަޖިލީހުގެ ކުރީގެ ނާއިބު ރައީސް މޫސާ މަނިކު ވިދާޅުވެއްޖެއެވެ.
މޫސަ މިހެން ވިދާޅުވެފައިވަނީ އޭނާ ކުރެއްވި ޓްވީޓެއްގައެވެ. މޫސަ ވިދާޅުވީ ފުލެޓު އެޅި ކަމަށް ބުނެ މެޑަލް ޖަހަންވީ އެމީހަކަށް ވެރިކަމުގައި އެކަން ކުރެވުނު ނަމަ ކަމަށެވެ.
މޫސަ މިހެން ވިދާޅުވިއިރު، ދާދި ފަހުން އެމްޑީޕީން ބޭއްވި ކެމްޕެއިން އިވެންޓެއްގައި، އެޕާޓީގެ ރައީސް މުޙައްމަދު ނަޝީދު ވަނީ އެމަނިކުފާނަކީ ފުލެޓު ދޮންބެ ކަމަށް ވިދާޅުވާ ވާހަކަ ތަކުރާރު ކުރައްވައިފައެވެ. ނަޝީދު ވިދާޅުވިގޮތުގައި އެމްޑީޕީގެ ޓިކެޓުގައި މާލޭގެ މޭޔަރު ކަމަށް ވާދަކުރައްވާ އަނަސް ޢަބްދުއްސައްތާރު ބޮޑުވީ "ފުލެޓު ދޮންބެ" އާއި އެކުގައި ކަަމަށްވާތީ އަނަސްއަށް ފުލެޓު އެޅޭނެއެވެ.
ނަމަވެސް މިވާހަކައަށް ގިނަ ބައެއްގެ ފާޑުކިޔުން ވަނީ އަމާޒުވެފައެވެ. އެގޮތުން ރައީސް އިބްރާހީމް މުޙައްމަދު ޞާލިޙުގެ ވެރިކަމަށް ދެއަހަރުވީއިރު އެންމެ ފުލެޓެއްވެސް ނޭޅޭ ކަމަށް ބުނެ ބައެއް މީހުން މީސްމީޑިއާގައި ސަރުކާރަށް ވަނީ ފާޑުކިޔައިފައެވެ.
Advertisement
This content is created and paid for by advertisers and does not involve Voice Journalists
