ރ.އިނގުރައިދޫ ކައުންސިލްގެ މެޖޯރިޓީވެސް ޕީޕީއެމްއަށް!
އިއްޔެ ބޭއްވުނު ލޯކަލް ކައުންސިލްތަކުގެ އިންތިޚާބުގައި، ރ.އިނގުރައިދޫ ރަށު ކައުންސިލްގެ މެޖޯރިޓީ ޕީޕީއެމްގެ ފަރާތުން ވާދަކުރި ފަރާތްތަކުން ނަގައިފިއެވެ.
"ވޮއިސް"އަށް ލިބިފައިވާ ވަގުތީ ނަތީޖާތަކުން ދައްކާ ގޮތުގައި 369 ވޯޓާއި އެކު، ރ.އިނގުރައިދޫ ރަށު ކައުންސިލުގެ ރައީސްކަމަށް ހޮވިވަޑައިގެންނެވީ ޕީޕީއެމްގެ ފަރާތުން ވާދަކުރެއްވި މުޙައްމަދު ޖަލީލެވެ. މުޙައްމަދު ޖަލީލުގެ އިތުރުން ރަށު ކައުންސިލުގެ ރައީސްކަމަށް ވާދަކުރެއްވީ އެމްޑީޕީގެ ފަރާތުން ޢަބްދުﷲ ޙުސައިން އަދި އަމިއްލަ ގޮތުން ކުރިމަތިލެއްވި ޢަބްދުލްޙަމީދު ޙަސަންއެެވެ.
ޖަލީލްގެ އިތުރުން ދެން ކައުންސިލަށް ހޮވުނު ފަރާތްތަކުގެ މެޖޯރިޓީވެސް ލިބިފައިވަނީ ޕީޕީއެމްއަށެވެ. އެފަރާތްތަކަކީ ޕީޕީއެމްގެ ކެނޑިޑޭޓުން ކަމަށްވާ ޢިބާދުﷲ މުޙައްމަދު, ފާޠިމަތު ހިޝްމާ, ސީޒާ ޢަބްދުލްޙަކީމް އަދި އެމްޑީޕީގެ ކެނޑިޑޭޓު ޒުހައިރު ޢަބްދުﷲ އެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
