ހުޅުމާލެ ޑިވެލޮޕްމަންޓު ކޯޕަރޭޝަން(އެޗްޑީސީ)ގެ މެނޭޖިން ޑިރެކްޓަރުގެ މަގާމުން ސުހެއިލް އަހުމަދު އިސްތިއުފަދެއްވީ އެޗްޑީސީ މެދުވެރިކޮށް ކޮރަޕްޝަން ހިންގަން އުޅޭތީކަމަށް ޕީޕީއެމްގެ ނައިބުރައީސް އަދި މަޖިލީހުގެ ނައިފަރު ދާއިރާގެ މެމްބަރު އަހުމަދު ޝިޔާމު ވިދާޅުވެއްޖެއެވެ.
ޝިޔާމު މިފަދައިން ވިދާޅުވީ ޝުހެއިލް މުސްކުޅި ކުރެއްވުމާއި ގުޅިގެން ކުރެއްވި ޓްވީޓެއްގައެވެ.
އޭނާ ވިދާޅުވި ގޮތުގައި ޝުހެއިލް އެ މަގާމުން ދުރަށް ވަޑައިގަތީ ރައީސް އިބްރާހިމް މުހައްމަދު ސޯލިހުގެ ދައުރު ނިމެން ކުޑަތަން ވުމާއެކު، ގާނޫނާއި ޚިލާފަށް ކޮރަޕްޝަންގެ އެތައް ކަމެއް އެޗްޑީސީގެ ތެރެއިން ކުރަން މަސައްކަތްކުރަމުން ދާތީ އެކަމުގައި ބައިވެރިވެވަޑައި ނުގަތުމަށެވެ.
ޝިޔާމު އިތުރަށް ވިދާޅުވީ މަގާމުން އިސްތިއުފާދެއްވުމަކުން އަދި ފުރިހަމައަށް ޒިންމާ ނެންގެވުނީ ނޫންކަމަށެވެ.
އެއާއެކު އޭނާ ވަނީ ސަރުކާރުގެ ޖަރީމާތައް ހުއްޓުވުމަށް މަސައްކަތްކޮށްދެއްވުމަށް ޝުހެއިލްއަށް ގޮވާލާފައެވެ.
Advertisement
This content is created and paid for by advertisers and does not involve Voice Journalists
