ދިވެހިރާއްޖޭގެ މިނިވަންދުވަސް ފާހަގަކުރުމާ ގުޅިގެން ރައްޖެއާ އެންމެ އަވައްޓެރި ޤައުމުތަކުގެ ވެރިން ރާއްޖެއަށް ކުރެއްވި ދަތުރުފުޅުން ފެނިގެންދިޔައީ އެޤައުމުތަކުންވެސް ދިވެހިންގެ މިނިވަންކަމަށް އިހްތިރާމްކުރި މަންޒަރުކަމަށް އެމްޑަބްލިއުއެސްސީގެ މެެނޭޖިން ޑިރެކްޓަރު އަބްދުލްމަތީން މުހައްމަދު ވިދާޅުވެއްޖެއެވެ.
ރާއްޖެއަށް މިނިވަންކަން ލިބުނުތާ 60 އަހަރު ފުރުން ފާހަގަކުރުމުގެ ރަސްމީ އިހްތިފާލުތަކުގައި ބައިވެރިވުމުގެ ގޮތުން އިންޑިއާގެ ބޮޑުވަޒީރު ނަރެންދުރަ މޯދީ ރާއްޖެއަށް ވަޑައިގެންނެވިއިރު، އަވައްޓެރި ސްރީލަންކާގެ ރައީސް ވަނީ ޖުލައިމަހުގެ 28 ވަނަ ދުވަހު ރާއްޖެއަށް ފުރަމާނަ ދަތުރުފުޅެއް ކުރައްވާފައެވެ.
ދައުލަތުގެ މީޑިއާއިން ގެނެސްދިން ރައްޖެ މިއަދު ޕްރޮގްރާމްގައި ވާހަކަދައްކަވަމުން ޤައުމީ ފެންކުންފުނި ހިންގެވުމާ ހަވާލުވެ ހުންނެވި އަބްދުލް މަތީން ވިދާޅުވީ ރާއްޖެއާ އެންމެ ގާތް ދެޤައުމުގެ ވެރިން ރާއްޖެއަށް ކުރެއްވި ޒިޔާރަތަކީ ލިބިގެންދިޔަ ވަރަށްބޮޑު ކާމިޔާބެއްކަމަށާއި، ފެނިގެން މިދިޔައީ ދިވެހިންގެ މިނިވަންކަމަށް އިހްތިރާމްކޮށް ދިވެހިްނގެ މިނިވަންކަމުގެ އުފަލުގައި އެޤައުމުތަކުންވެސް ބައިވެރިވިތަން ކަމަށެވެ.
އިންޑިއާގެ ބޮޑުވަޒީރު މޯދީގެ ދަތުރުފުޅުގެ ތެރެއިން.. ފޮޓޯ: ރައީސް އޮފީސް
މަތީން ވިދާޅުވީ އިންޑިއާ އަދި ލަންކާގެ ވެރިން ރާއްޖެއަށް ކުރެއްވި ޒިޔާރަތުގައި އެޤައުމުތަކާއެކު ދިވެހިންނަށް ލާބަހުރި އެކިއެކި އެއްބަސްވުންތައް ގާއިމްކުރެވިގެން ދިޔަކަމަށެވެ.
ކަނޑައެޅިފައިވާ މިންގަނޑުތަކުގައި ހިފަހައްޓައިގެން އެއްބަޔަކު އަނެއްބަޔަކާ ގުޅިގެން މަސައްކަތް ކުރުމަކީ ކޮންމެހެން ކުރަންޖެހޭނޭ ކަމެއް
މަތީން ވިދާޅުވިއެވެ
ގުދުރަތީގޮތުން ލިބިފައިވާ ވަސީލަތްތަކަށް ބަލާއިރު އެއްވެސް ޤައުމަކީ ހުރިހާ އެއްޗެއް އުފައްދާ އަދި ހުރިހާ ހިދުމަތްތަކެއް ދޭ ޤައުމެއް ނޫންކަން ފާހަގަކުރަމުން މަތީން ވިދާޅުވީ، އެކި ޤައުމުތަކުގައި އޮންނަކީ އެކި ތަނަވަސްކަންކަމަށެވެ. އެހެންކަމުން އޮންނަ ހަމަތަކުގެ މަތިން ޤައުމުތަކުގެ މެދުގައި ފުރުސަތުތައް ހުޅުވާލައި ރައްޔިތުންގެ ލާބަ އާއި މަންފާއަށް ކަންކަން ކުރަމުން އައުމަކީ އެންމެކުރިން ފެށިގެން މިކަމުގައި އަމަލުކުރަމުން އަންނަގޮތްކަމަށް މަތީން ފާހަގަކުރެއްވިއެވެ.
ސްރީލަންކާގެ ރައީސް އަނޫރާ ކުމާރާ ޑިސަނާޔަކެ ގެ ދަތުރުފުޅުގެ ތެރެއިން.. ފޮޓޯ؛ ރައީސް އޮފީސް
މަތީން ވިދާޅުވީ އަވައްޓެރިކަމުގެ މިންގަނޑުތައް ދެނެގަނެ އެއްގައުމު އަނެއްގައުމަށް އިހުތިރާމްކޮށްގެން ކުރިއަށްދިއުމުން އެކަމުގެ މަންފާ ޤައުމާއި ރައްޔިތުންނަށް ކުރާނޭކަމަށާއި، ރައީސް ޑރ.މުއިއްޒު ސަރުކާރުގެ ހާރިޖީ ސިޔާސަތު މިއަދު ބައްޓަންކޮށްފައި އެގޮތުގައިކަމަށެވެ.
އިންޑިއާގެ ބޮޑުވަޒީރު ރާއްޖެއަށް ކުރެއްވި ޒިޔާރަތުގައި އެޤައުމުން ވަނީ ރާއްޖެއަށް ސިއްހީދައިރާގެ އިތުރުން މާލީ އަދި ވިޔަފާރީގެ ގޮތުން އެހީތައް ދިނުމުގެ އެއްބަސްވުންތަކުގައި ސޮއިކޮށްފައެވެ. އަދި ހަމަ އެހެންމެ ސްރީލަންކާގެ ރައީސް އަނޫރާ ކުމާރާ ޑިސަނާޔަކެ ކުރެއްވި ޒިޔާރަތުގައި ވަނީ ދެޤައުމުގެ ދެމެދުގައި މުހިއްމު ކަންކަމުގައި އެއްބާރުލުންދިނުމަށް އެކި ދައިރާތަކުން އެއްބަސްވެފައެވެ.
Advertisement
This content is created and paid for by advertisers and does not involve Voice Journalists
