2023 ވަނަ އަހަރުގެ ރިޔާސީ އިންތިޚާބުގައި މޯލްޑިވިއަން ޑިމޮކްރެޓިކް ޕާޓީ(އެމްޑީޕީ) ތަމްސީލު ކުރާނެ ކެންޑިޑޭޓެއް ހޮވުމަށް ބާއްވާ ޕްރައިމަރީ އޮކްޓޫބަރު މަހުގައި ބޭއްވުމަށް ނިންމައިފިއެވެ.
އެހެން ނަމަވެސް އެމްޑީޕީގެ ކޮންގްރެސްއާއި ޖެހެންދެން ނަޝީދު މަސައްކަތްޕުޅު ކުރެއްވީ ވެރިކަމުގެ ނިޒާމު ބަރުލަމާނީ ނިޒާމަަށް ބަދަލުކުރެއްވުމަށެވެ. އެކަމަށްޓަކައި ރައްޔިތުންގެ ފެންނަ ނުފެންނަ ވޯޓެއް ނެގުމާއި މެދު އެމްޑީޕީގެ ކޮންގްރެސްއިން ގޮތެއް ނިންމާ ދިނުމަށް އެދި ނަޝީދު ގަރާރެއްވެސް ހުށައެޅުއްވިއެވެ.
އެހެން ނަމަވެސް އެ ފަހުން ދެ ރައީސުންގެ ދެމެދުގައި ކުރިއަށް ދިޔަ ހަވާސާ ބައްދަލުވުންތަކަށްފަހު ނަޝީދު ވަނީ އެ ގަރާރު އަނބުރާ ނަންގަވާފައެވެ.
އެހެންކަމުން އެމްޑީޕީގެ ޕްރައިމަރީގައި ނަޝީދު އާއި ޞާލިހުވެސް ވާދަކުރައްވާނެކަމަށް ބެލެވެއެވެ. އެހެން ވެއްޖެކަމަށް ވާނަަމަ މި ޕްރައިމަރީ ވެގެންދާނީ ވަރަށް ފޯރިގަދަ ޕްރައިމަރީއަކަށެވެ.
އެހެން ނަމަވެސް އިންތިޚާބު ބާއްވާނެ ވަކި ތާރީހެއް އަދި އެ ޕާޓީއިން ހާމަކޮށްފައެއް ނުވެއެވެ.
ރިޔާސީ އިންތިޚާބަށް އެ ޕާޓީއިން ތައްޔާރުވާން ފަށާފައިވާއިރު، ޕްރައިމަރީއެއްގެ ތެރެއިން ނޫނީ އެއްވެސް ފަރާތަކަށް ރިޔާސީ ޓިކެޓު ހަވާލުނުކުރާނެކަމަށް އެ ޕާޓީިއިން ވަނީ ބުނެފައެވެ.
ޕްރައިމަރީއަށް އެމްޑީޕީއިން ތައްޔާރުވަމުން އަންނައިރު، ކުރިއަށް އޮތް ރިޔާސީ އިންތިޚާބުގައި ވާދަކުރެއްވުމުގެ ޝައުގުވެރިކަން ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހު ވަނީ ފާޅުކުރައްވާފައެވެ.
މި ސަރުކާރުން އިއުލާނުކޮށްފައިވާ މަޝްރޫއުތައް ފުރިހަމަކުރުމަށް އިތުރު ދައުރެއް ބޭނުންފުޅުވާކަމަށް ރައީސް ސޯލިހު ވަނީ ވިދާޅުވެފައެވެ.
އަނެއްކޮޅުން އަނބުރާ ވެރިކަމަށް އައުމުގެ ޝައުގުވެރިކަން އެމްޑީޕީގެ ރައީސް އަދި މަޖިލީހުގެ ރައީސް މުހައްމަދު ނަޝީދުވެސް ވަނީ ފާޅުކުރައްވާފައެވެ.
Advertisement
This content is created and paid for by advertisers and does not involve Voice Journalists
