ކިންގު ސަލްމާނު މިސްކިތުގެ ނަމާދުކުރާ ބައިގައި ގުރުއާން ހިތުދސް ކުރުމުގެ ކްލާހެއް ކުރިއަށް ގެންދިއުމުގެ ހުއްދައަށް އެދުމުން އެ ހުއްދަ އިސްލާމިކް މިނިސްޓްރީއިން ދީފައިނުވާތީ އިސްލާމިކް މިނިސްޓްރީގެ ސްޓޭޓު މިނިސްޓަރުގެ މަގާމުގައި ހުންނެވި އިލްޔާސް ޖަމާލު ސަރުކާރަށް ފާޑުވިދާޅުވެއްޖެއެވެ.

އޭނާ ސަރުކާރަށް ފާޑުވިދާޅުވެފައިވަނީ ކުރެއްވި ޓްވީޓެއްގައެވެ.

އިލިޔާސް ޖަމާލު މި ވަގުތު ހުންނެވީ ގުރުއާނާއި ބެހޭ މަރުކަޒު ހިންގުމާއި ހަވާލުވެވަޑައިގެންނެވެ. 

Advertisement

އޭނާ ކުރެއްވި ޓްވީޓުގައި ވަނީ ގުރުއާން ހިފުޒު ކުލާސްތަކުގެ ޑިމާންޑު ބޮޑުވެ ގިނަ ކުދިންނަށް ފުރުސަތު ދިނުމަށްޓަކައި ކިންގު ސްލްމާނު މިސްކިތުގެ ނަމާދުކުރާ ބައިގައި ހިފުޒު ގަޑިއެއ ހިންގުމުގެ ހުއްދައަށް އެދުމުން އެ ހުއްދަ ދީފައި ނުވާކަމަށެވެ. އަދި ދަރިވަރުން ގުރުއާން ކިޔަވަން ސަރުކާރުން ނޭދެނީތޯވެސް އޭނާ ގެ ޓްވީޓުގައި އައްސަވާފައިވެއެވެ.

އެހެން ނަމަވެސް އިއލިޔާސް ޖަމާލުވަނީ ފަހުން އެ ޓްވީޓު ޑިލީޓުކޮށްލާފައެވެ.

އަދާލަތުގެ އިސް ބޭފުޅަކު ވިދާޅުވީ އިލްޔާސްގެ ޓްވީޓާއި ގުޅިގެން އެ ޕާޓީގެ އަގު ވެއްޓި ސަރުކާރުގެ ތެރޭގައި އޮތް ފުުރުސަތުތައް ގެއްލިދާނެތީ އިމްރާން އާއި ޕާޓީގެ އިސް ވެރީން ކަންބޮޑުވުން ފާޅުކޮށްފައިވާ ކަމަށެވެ.

އޭނާގެ ޓްވީޓާއި ގުޅިގެން އޭނާ ނިސްބަތްވާ އަދާލަތު ޕާޓީގެ ތެރޭގައި ބޮޑު ހިތްހަމަ ނުޖެހުމެއް އުފެދި އަދި އާންމުންގެ ފާޑުކިޔުން ސަރުކާރަށް އަމާޒުވާން ފެށުމުންނެވެ. އެ ސަބަބުތަކާހުރެ ސަރުކާރަށް ފާޑުވިދާޅުވުމަސްފަހު އިލްޔާސް ވަނީ ޓްވީޓު ޑިލީޓުކޮށްލާފައެވެ.