އިނގިރޭސިވިލާތުގެ ވެރިކަން ކުރާ ކޮންޒަވޭޓިވް ޕާޓީގެ ލީޑަރު ކަމަށް އެގައުމުގެ ފޮރިން ސެކްރެޓަރީ ލިޒް ޓްރަސް އިންތިހާބުކޮށްފި އެވެ.

ލިޒް އެ މަގާމަށް އިންތިޚާބު ކުރީ އެ ޕާޓީގެ އާންމު މެމްބަރުންގެ މެދުގައި ނެގި ވޯޓަކުންނެވެ.

ކޮންޒަވޭޓިވް ޕާޓީގެ މެމްބަރުންގެ ތެރެއިން ޝަރުތު ހަމަވާ 57 ޕަސެންޓް ވޯޓު އެކަމަނާ އަށް ލިބުނުއިރު ދައުލަތުގެ ޚަޒާނާގެ ކުރީގެ ޗާންސެލަރު ރިޝީ ސުނަކް އަށް ލިބުނީ 42 ޕަސެންޓެވެ. އެއާ އެކު ލިޒް ޓްރަސް ވަނީ ގައުމުގެ ބޮޑުވަޒީރު ކަމަށް ހޮވިފަ އެވެ.

ޖޯންސަންގެ ބަދަލުގައި ޓްރިސް ވެވަޑައިގެންނެވީ 2015 ވަނަ އަހަރުގެ އިންތިޚާބަށްފަހު ކޮންޒަވޭޓިވްޕާޓީގެ ހަތަރުވަނަ ބޮޑުވަޒީރެވެ. ބޮޑުވަޒީރުކަމުގެ އިންތިޚާބު ކާމިޔާބު ކުރެއްވުމާއެކު، އޭނާވަނީ ވަގުތުން ކޮންޒަރވޭޓިވް ޕާޓީގެ ލީޑަރުކަމާއި ހަވާލުވެ ވަޑައިގެންފައެވެ.

މީގެ ކުރިން ލީޑާޝިޕް ކޮންޓެސްޓެއްގައި ޓްރަސް ވަނީ ކޮންޒަވޭޓިވް ޕާޓީގެ ގާނޫނު ހަދާ މަޖިލީހުގެ މެމްބަރުންގެ މެދުގައި އެކަމަނާގެ ވާދަވެރިޔާ ސުނަކް ފަދަ ތާއީދު އޮތް މިންވަރަށް ކޮމާންޑް ނުކުރައްވާ ކަމަށް ވިދާޅުވެފަ އެވެ. އަދި ސުނާކް އަކީ ލީޑަރަކަށް ނުވިޔަސް، އާ ސަރުކާރަކަށް ތާއީދު ކުރައްވާނެ ކަމަށް ސުނާކް ވަނީ ވިދާޅުވެފައެވެ.