ގައުމީ ޝިޕިން ލައިން ކުންފުނިން އުޅެނީ ކެޕްޓަނުންނާއި އިނޖިނިއަރުން ނުލިބިގެންކަމަށް ރައްޔިތުންގެ މަޖިލީހުގެ ރައްޔިތުންގެ މަޖިލީހުގެ މާފަންނު މެެދު ދާއިރާގެ މެމްބަރުން އިބްރާހިމް ރަޝީދު( ބޮންޑެ) ވިދާޅުވެއްޖެ އެވެ.

ބޮންޑެ މިފަދައިން ވިދާޅުވެފައިވަނީ ރައްޔިތުންގެ މަޖިލީހަށް ހުށައަޅާފައިވާ މަތީ ތައުލީމާއި ތަމްރީގުގެ ގާނޫނަށް އިސްލާހު ގެނައުމުގެ ބިލަށް މިއަދު ބަހުސްކުރައްވަމުންނެވެ. 

އޭނާ ވިދާޅުވީ ވަޒީފާގެ ބާޒާތަށް މުހިންމީ ކޮންކޮން ދާއިރާތަކުން ތައުލީލު ހާސިލުކުރުންކަން ދަރިވަރުންނަށް އޮތީ ބުނެނުދެވިކަމަށެވެ. އެހެންކަމުން މުހިންމު އެކި ދާއިރާތަކަށް ކިޔަވައިގެން ތިބި ދިވެހިން ނުލިބޭކަމަށް އޭނާ ވިދާޅުވިއެވެ. 

އެގޮތުން އޭނާ ވިދާޅުވީ ގައުމީ ޝިޕިން ލައިނުގައިވެސް ދިވެހިންނަށް ޚާއްސަ ވަޒީފާތަކަށް މީހުން ނިލިބޭކަމުގެ ޝަކުވާ އައިސްފައިވާކަމަށެވެ. އަދި އެ ވަޒީފާތަކަކީ ބޮޑު މުސާރައިގެ ވަޒީފާތައްކަންވެސް އޭނާ ފާހަގަކުރެއްވިއެވެ. 

ބޮންޑާ ވިދާޅުވީ އެފަދައިން ދިމާވާ ސަބަބަކީ ވަޒީފާގެ ބާޒާރަށް ކުދިން އަހުލުވެރި ނުވެ އޮތުންކަމަށެވެ. 

ރާއްޖޭގައި ވަޒީފާ ލިބެން ހުރި ދާއިރާތަކާއި ގުޅޭ މައުލޫމާތުތައް ދީ، އެ ދާއިރާތަކުން ކިޔެވުމަށް ދަރިވަރުންނަށް ބާރު އެޅުމަކީ މުހިންމުކަމެއްކަމަށާއި، ބިލު ފާސްކުރާއިރު، އެފަދަ ދާއިރާތަކަށް ކިޔަވައިދިނުން ޔުނިވަރސިޓީތަކަށް ލާޒިމު ކުރުމާމެދު މަޝްވަރާތައް ކުރުމަށް ބޮންޑާ ވަނީ އެދިވަޑައިގަންނަވާފައެވެ.