އިނގިރޭސިވިލާތުގެ ކޮންސަވޭޓިވް ޕާޓީގެ ކޮންފަރެންސްގައި ބައިވެރިވުމަށް ސަރުކާރު ހިންގާ މައި ޕާޓީ މޯލްޑިވިއަން ޑިމޮކްރެޓިކް ޕާޓީ(އެމްޑީޕީ) ދެ މެމްބަރުން އިނގިރޭސި ވިލާތަށް ފުރާވަޑައިގެންފިއެވެ.
އެ ކޮންފަރެންސްގައި އެމްޑީޕީ ތަމްސީލުކުރައްވަނީ އެ ޕާޓީގެ ޑެޕިއުޓީ ޗެއަރޕާރސަން އަދި މަޖިލީހުގެ ހުޅުމާލޭ ދާއިރާގެ މެމްބަރު އަލީ ނިޔާޒުގެ އިތުރުން އެމްޑީޕީގެ ނެޝަނަލް ޑިވެލޮޕްމަންޓު އެންޑް ހެރިޓޭޖް ކޮމެޓީގެ ޗެއަރ އަދި މަޖިލީހުގެ ބާރަށު ދާއިރާގެ މެމްބަރު އަހުމަދު އަބްދުﷲ އެވެ.
މި ދެބޭފުޅުން މިހާރު ވަނީ ކޮންފަރެންސްގައި ބައިވެރިވެވަޑައިގަތުމަށް އިނގިރޭސިވިލާތަށް ފުރާވަޑައިގަންނަވާފައެވެ.
އިނގިރޭސިވިލާތުގެ ކޮންސަވޭޓިވް ޕާޓީގެ ކޮންފަރެންސްއަކީ ޔޫރަޕުގައި ބޭއްވޭ އެންމެ ބޮޑު ސިޔާސީ ހަރަކާތެވެ.
މި ކޮންފަރެންސް މިއަހަރު ބޭއްވުމަށް ހަމަޖެހިފައިވަނީ އޮކްޓޫބަރުމަހުގެ 2 އިން 5ގެ ނިޔަލަށެވެ.
ބައިނަލްއަގުވާމީ މަޝްރަހުގައި މަގުބޫލު އިގްތިސާދީ ލީޑަރުންނާއި، އަދި ޕަބްލިކް އެފެއާޒްގެ ދާއިރާގެ ތަޖުރިބާކާރުން މިއަހަރުގެ ކޮންފަރެންސްގައި ބައިވެރިވާނެއެވެ.
އޭގެ އިތުރުން އިނގިރޭސި ވިލާތުގެ ސަރުކާރުގެ އިސް ބޭފުޅުންނާއި، ސިޔާސީ ދާއިރާގައި ހަރަކާތްތެރިވާ މުހިންމު ސަހުސިއްޔަތުތައް މި ކޮންފަރެންސްގައި ތަރުގީގު ކުރެއްވުމަށް ވަނީ ނިންމާފައެވެ.
Advertisement
This content is created and paid for by advertisers and does not involve Voice Journalists
