6.5 މިލިއަން ރުފިޔާ ނުދައްކާ އޮތުމުން ސްޓެލްކޯއިން އެފްއޭއެމް ހައުސްގެ ކަރަންޓު ކަނޑާލައިފިއެވެ. 

އެކަމާއި ގުޅޭގޮތުން ސްޓެލްކޯއިން ބުނީ ފުޓްބޯލް އެސޯސިއޭޝަން އޮފް މޯލްޑިވްސް (އެފްއޭއެމް) އިން މިކުންފުންޏަށް ދައްކަންޖެހޭ 6.5 މިލިއަން ރުފިޔާ ދެެއްކުމަށް އެކި ފަހަރުމަތިން އަންގާފައިވާކަމަށެވެ. 

އަދި އެ ފައުސާ ދައްކާނެ ގޮތުގެ ޕްލޭނެއް އެ ކުންފުންޏާއި ހިއްސާކުރުމަށްވެސް ގިނަ ފުރުސަތުތަކެއް ދީފައިވާކަމަށެވެ. 

Advertisement

އެހެން ނަމަވެސް ސްޓެލްކޯއިން ދިން ފުރުސަތުތަކުގެ ބޭނުން ހިފާ، އެފަދަ ޕްލޭނެއް ހުށައަޅާފައި ނުވާތީއާއި، އެފްއޭއެމްއިން ސްޓެލްކޯއަށް ދައްކަން ޖެހޭ 6.5 މިލިއަން ރުފިޔާ ދައްކާފައި ނުވާތީ، އެފްއޭއެމް ހައުސިން ކަރަންޓު ކަނޑާލާފައިވާކަމަށް ސްޓެލްކޯއިން ވަނީ ބުނެފައެވެ. 

އޭގެ އިތުރުން، އެމްއޭއެމްއިން އެ ފައިސާ ނުދައްކައިފިނަމަ، އެފްއޭއެމްގެ އިތުރު އިމާރާތްތަކުންވެސް ކަރަންޓު ކަނޑާލުމާމެދު ވިސްނަމުންދާކަމަށް ސްޓެލްކޯއިން ވަނީ ބުނެފައެވެ. 

ސްޓެލްކޯއިން މިފަދައިން އަންގާފައިވަނީ އެ ކުންފުނީގެ ރަސްމީ ޓްވީޓާއިންނެވެ. 

އެ މައްސަލައާއި ގުޅިގެން މިހާތަނަށް އެފްއޭއެމްއިން ވަކި އެއްޗެއް ބުނެފައެއް ނުވެއެވެ. އަދި ބިލުތައް ނުދައްކާ ސަބަބުވެސް އޮޅުންފިލުވާދީފައެއް ނުވެއެވެ.