އާޖެންޓީނާގެ މިޑްފީލްޑަރު ލިއަންޑްރޯ ޕަރޭޑޭސް އަށް ލިބުނު އަނިޔާގެ ސަބަބުން ދެ ހަފުތާއަށް ކުޅުމާ ދުރުގައި ހުންނާނެ ކަމަށް އޭނާގެ ޓީމު ޔުވެންޓަސް އިން ބުނެފި އެވެ.
މިދިޔަ އަހަރުގެ ކޮޕާ އެމެރިކާ ކާމިޔާބުކުރި އާޖެންޓީނާގެ ސްކޮޑުގައި ހިމެނުނު ޕެރެޑޭސް ނޮވެމްބަރު މަހުގެ ދެވަނަ ހަފުތާއާ ހަމައަށް ކުޅުމާ ދުރުގައި ހުންނާނެ ކަމަށް ވަނީ ލަފާކޮށްފައެވެ.
އެހެންކަމުން ބެލެވެނީ ނޮވެމްބަރު މަހުގެ 22 ވަނަ ދުވަހު ގަތަރުގައި ސައުދީ އަރަބިއްޔާއާ ދެކޮޅަށް އާޖެންޓީނާ ކުޅޭ ވޯލްޑް ކަޕް ކެމްޕެއިން ގެ ފުރަތަމަ މެޗު އޭނާއަށް ގެއްލޭނެ ކަމަށެވެ.
"މިއަދުގެ ޓްރެއިނިން ސެޝަން ނިމުނުއިރު މަސްގަނޑަށް ދިމާވި މައްސަލައަކާ ގުޅިގެން ލިއަންޑްރޯ ޕަރޭޑެސް ވަނީ ޑައިގްނޯސްޓިކް އެގްޒަމިނޭޝަންތަކެއް ހަދާފައި، އޭނާގެ ފަލަމަސްގަނޑު ގެ ބަޔަކަށް އަނިޔާ ވެފައިވާކަމަށް ވަނީ ދައްކާފައި" ޔުވެންޓަސް އިން ބުންޏެވެ.
ވޯލްޑް ކަޕްގެ ގްރޫޕް ސީގައި އާޖެންޓީނާ ހިމެނޭއިރު މެކްސިކޯ އާއި ޕޮލެންޑް ވެސް އޮތީ އެއް ގްރޫޕެއްގަ އެވެ.
Advertisement
This content is created and paid for by advertisers and does not involve Voice Journalists
