ވަގުތުގެ އަންހެން ނޫސްވެރިއަކަށް ޖިންސީ ފުރައްސާރަ ކުރި ކަމުގެ ތުހުމަތުގައި މޯލްޑިވްސް މީޑިއާ ކައުންސިލް (އެމްއެމްސީ)ގެ މެންބަރު މުހައްމަދު ޝާފިއު، އެމްއެމްސީން ސަސްޕެންޑް ކޮށްފިއެވެ.

ޝާފިއު ސަސްޕެންޑް ކުރީ އޭނާ ސަސްޕެންޑް ކުރަން މީޑިއާ ކައުންސިލްގައި މިރޭ ނެގި ވޯޓްގައި ސަސްޕެންޑް ކުރަން ފާސްނުވާކަމަށް ކައުންސިލްގެ ރައީސް ޝަފާއު ހުސެއިން އިއުލާން ކުރުމުން ހަތަރު މެންބަރަކު ޖަލްސާ ބޮއިކޮޓްކޮށް ނިކުތް ފަހުންނެވެ.

ކައުންސިލުގެ ރައީސް ވިދާޅުވީ، މީޑިއާ ކައުންސިލް ބައްދަލުވުމުގައި 13 މެންބަރަކު ބައިވެރިވި އިރު، ވޯޓު ދެއްވީ 6 މެންބަރުން ކަމަށެވެ. އެހެން ކަމުން ޝާފިއު ސަސްޕެންޑްކުރަން ފާސްނުވާ ކަމަށް އޭނާ ވިދާޅުވިއެވެ. 

Advertisement

ޝާފިއު ސަސްޕެންޑް ކުރަން ފާސްނުވާކަމަށް ރިޔާސަތުގައި އިންނެވި ކައުންސިލްގެ ރައީސް ޝަފާއު ހުސެއިން އިއުލާން ކުރުމުން ފަސް މެންބަރަކު ވަނީ ޖަލްސާ ބޮއިކޮޓްކޮށް ޖަލްސާ އިން ނިކުމެފައެވެ.

މީޑިއާ ކައުްނސިލް މެންބަރު ޝާފިއު ސަސްޕެންޑް ކޮށްފައި މިވަނީ ވަގުތުގެ ނޫސްވެރިއަކަށް ތަކުރާރުކޮށް އަންހެން ނޫސްވެރިޔަކަށް މެސެޖުކޮށް އެ މުވައްޒަފުގެ ޒާތީ މައުލޫމާތުތަކާއި ގުޅޭގޮތުން ސުވާލުކުރަމުން އަންނަ މައްސަލައަކާ ގުޅިގެންނެވެ.

އެމައްސަލަ މިހާރު ވަނީ ފުލުހުންނަށްވެސް ހުށަހަޅާފައިކަމަށް ވަގުތު ނޫހުން ރިޕޯޓްކޮށްފައިވެއެވެ.