ރާއްޖެ އާއި މޮރިޝަސްގެ ބޯޑަރުގެ މައްސަލާގައި, ދެ ގައުމުގެ އިގްތިސާދީ ސަރަހައްދު ފުށުއަރާ ހިސާބު ބަހާނެ ގޮތަކާ މެދުގައި ކޮންމެ ގޮތަކަށް މައްސަލަ ނިމުނުކަމުގަވިޔަސް، ޓްރައިބިޔުނަލްގައި މޮރިޝަސްއާއި ދެކޮޅަށް ވަކާލާތުކުރަމުންދާ މައްސަލައާއި ފުށޫ ނާރާނެކަމަށް ގާނޫނީ ވަކީލުންގެ ޓީމްގެ ވެރިޔާ ޕްރޮފެސަރު ޕަޔަމް އަޚަވަން ވިދާޅުވެއްޖެއެވެ.

ޗާގޯސް މައްސަލައާއި ގުޅިގެން ރޭ ރައީސް އޮފީހުގައި ބޭއްވި ނޫސްވެރިންގެ ބައްދަވުމުގައި ވާހަކަ ދައަކަވަމުން ޕްރޮފެސަރު ޕަޔަމް އަޚަވަން ވިދާޅުވީ، ޗާގޯސް މައްސަލަ ކޮންމެ ގޮތަކަށް ނިންމިޔަސް ރާއްޖޭގެ އިގްތިސާދީ އިމުގެ ބައެއް ނުގެއްލޭނެ ކަމަށާއި، ކޮންމެ ގައުމެއްގެ ވެސް އިގްތިސާދީ ހާއްސަ ސަރަހައްދު ކަމުގައި ކަނޑައަޅާފައި އޮންނަ 200 މޭލު އެއްކޮށް އެ ގައުމަކަށް ލިބެނީ އެހެން ގައުމެއްގެ އިމާ ފުށުނާރާ ގޮތަށް އޮތުމުން ކަމަށް ވިދާޅުވިއެވެ. އެގޮތުން މިސާލެއްގެ ގޮތުން ސްރީ ލަންކާ އާއި އިންޑިއާ އަށް ބައެއް ދޭންޖެހިފައި އޮތުން ފާހަގަކުރެއްވިއެވެ.

ޕަޔަމް އަޚަވަން ވިދާޅުވީ މިމައްސަލާގައި މޮރިޝަސްއާއި އެއްކޮޅަށް ވޯޓު ދިނީ އިންޓަނޭޝަނަލް ކޯޓު އޮފް ޖަސްޓިސް (އައިސީޖޭ)އިން ނިންމި ނިންމުމާއި ގުޅިގެންކަމަށެވެ. ޕަޔަމް ވިދާޅުވީ، މިމައްސަލައާ ގުޅިގެން ރާއްޖެއަށް އެއްވެސް ގެއްލުމެއް ނުވާނެ ކަމަށާއި، އެހެން ނަމަވެސް މައްސަލަ އުފެދެނީ ރާއްޖެއާއި އެސަރަހައްދުގެ އިގްތިސާދީ އިން ވަކިކުރުމަށް ކުރަމުންދާ މައްސަލައިންކަމަށް ފާހަގަކުރެއްވިއެވެ.

Advertisement

އަޚަވަންގެ ވާހަކައިގައި މިއީ ވަކި ބަޔަކަށް މޮޅު ނުވަތަ ދެރަ ލިބޭފަދަ މައްސަލައެއް ނޫންކަމަށް ވިދާޅުވިއެވެ. އަދި މީގައި ދެކޮޅުންވެސް ބޭނުންވާ ކަންކަން ހުށަހަޅާ ދެބައިމީހުންވެސް ކަންތައްތަކެއްގައި ދޫ ދޭން ޖެހޭކަމަށް ވިދާޅުވިއެވެ.