އަންނަ ހަފާތާގެ ހޯމަ ދުވަހު މަޖިލިސް ރިސެސްއަށް ދާނެ ކަމަށް މަޖިލީހުގެ ރައީސް މުހައްމަދު ނަޝީދު ވިދާޅުވެއްޖެ އެވެ.
މިއަދުގެ މަޖިލީހުގެ ޖަލްސާގައި ވާހަކަދައްކަވަމުން ނަޝީދު ވިދާޅުވީ ބަޖެޓް ބަހުސް މިއަދާއި އަންނަ ހޯމަދުވަހު ކުރިއަށް ގެންގޮސްށ ނިންމައި ހޯމަ ދުވަހު ވޯޓަށް އެހޭނެ ކަމަށް އުންމީދު ކުރައްވާ ކަމަށެވެ. އަދި އެއަށް ފަހު މަޖިލިސް ރިސެސްއަށް ދާނެ ކަމަށާ އެއީ މި ދައުރުގެ މަޖިލީހުގެ އެންމެ ފަހު ދުވަސް ކަމަށެވެ.
އަންނަ އަހަރަށް ލަފާކޮށް ސަރުކާރުން ރައްޔިތުންގެ މަޖިލީހަށް ހުށަހެޅި ޖުމްލަ 42.608 ބިލިއަން ރުފިޔާގެ ބަޖެޓެކެވެ.
އެހެންނަމަވެސް އެ ބަޖެޓު ދިރާސާ ކުރުމަށްފަހު ބެޖެޓް ކޮމިޓީން ވަނީ އިތުރު އިސްލާހުތަކާ އެކު ބަޖެޓަށް 160 މިލިއަން ރުފިޔާ އިތުރުކޮށްފަ އެވެ. އެއާ އެކު ކޮމިޓީން ފާސްކުރި ބަޖެޓްގެ އަދަދަކީ 42.8 ބިލިއަން ރުފިޔާ އެވެ.
މިއީ މިހާތަނަށް ހުށަހެޅުނު އެންމެ ބޮޑު ބަޖެޓުކަން ފާހަގަކޮށްލަންޖެހެއެވެ. އެކަމާއި ގުޅިގެން ގިނަ މެންބަރުން އަންނަނީ ކަންބޮޑުވުން ފާޅުކުރަމުންނެވެ.
Advertisement
This content is created and paid for by advertisers and does not involve Voice Journalists
