ދާންދޫ ދާއިރާގެ މެމްބަރު ޔައުގޫބު، މަޖިލިސް މެންބަރު ކަމަށް ކުރިމަތި ލައްވަމުން ވަގުން ހިފާނެ ކަމަށް ވިދާޅުވެފައިވާއިރު، ކުރީގެ ރައީސް ޔާމީން އަބްދުލްގައްޔޫމް ގެ ސަރުކާރުގެ 5 އަހަރުގަޔާއި ރައީސުލްޖުމްހުރިއްޔާ އިބްރާހީމް މުހައްމަދު ޞާލިހުގެ މި ސަރުކާރުގެ 4 އަހަރުގައި ވައްކަން ކުރި ވަގުން އަދިވެސް ނުހިފޭ ކަމަށް ބުނެ މަޑަވެލި ދާއިރާގެ މެންބަރު ހުސައިން ފިރުޝާން ޔައުގޫބަށް ފާޑުވިދާޅުވެއްޖެއެވެ. 

ޔައުގޫބު ޓެގް ކުރައްވައި އޭނާ އަށް ފާޑު ވިދާޅުވެ ފިރުޝާން ކުރެއްވި ޓުވީޓެއްގައި ވިދާޅުވީ، ވަގުން ހިފާނެ ގޮތުގެ ޢިލްމު އުނގެނިގެން ހުރި އޮޑިޓަރެއް ކަމުގައި ބުނި މީހާއަށް، މިދިޔަ ސަރުކާރުގެ 5 އަހަރުގެ ވަގުންނާއި މި ސަރުކާރުގެ 4 އަހަރުގެ ވަގުންވެސް އަދިވެސް ނުހިފޭކަމަށެވެ. 

"އެކަމަކު މާއްކޫ އޮޑިޓަރު؟ މަ ކޭވޫ ވަގެ ހިފަންނަ؟ މަ ހިފީ ވަގެ ތޯ ގޯނިޔަކު؟" ޔައުގޫބް އަށް ފާޑުވިދާޅުވެ ހުވަދޫ ބަހުން ފިރުޝާން ވިދާޅުވިއެވެ. 

Advertisement

ޔައުޤޫބު ރައްޔިތުންގެ މަޖިލީހުގެ އިންތިޚާބުގެ ކެމްޕެއިނުގައި ޕީއެސްއެމްގެ މަޖިލިސް ބަޙުސްގައި ހުވަދޫ ބަހުން ވާހަކަ ދައްކަވަމުން ޔައުޤޫބު ވަނީ، އޭނާ އަކީ އޮޑިޓަކެއް ކަމަށް ވިދާޅުވެ އެއީ ވަގުން ހިފަން ދަސްކުރުން ނުވަތަ ވަގުން ހިފުމުގެ ޢިލްމު އުނގެނުންކަމަށް ސިފަކުރައްވާފައެވެ. އަދި ވަގުން ވަށްކަންކުރާގޮތާއި އެމީހުންގެ އުކުޅުތައް އެނގޭކަމަށާ، އޭނާ މަޖިލީހުގައި ހުއްޓާ މަޖިލީހުގެ ތެރެއިންވެސް އަދި ސަރުކާރުގެ ތެރެއިންވެސް ވައްކަންކޮށް ދައުލަތުގެ މުދަލުން ނަހަމަ ފައިދާތައް ހޯދުމަކީ އުނދަގޫކަމަކަށް ވާނެކަމަށް އޭނާ ވިދާޅުވެފައިވެއެވެ.

އެހެންނަމަވެސް، މި ސަރުކަާރު އައި ފަހުންވެސް، ކޮރަޕްޝަންގެ ގިނަ މައްސަލަތައް، ޚާއްސަކޮށް ކޮވިޑް ތެރޭގައި ވެންޓިލޭޓަރުން ސަރުކާރު ކުރި ބޮޑު ވައްކަމުގެ މައްސަލަ އަދި އަދަށްވެސް ނުބަލައި އެކަން އޮއްބާލާފައި ވާއިރު، އެކަމާއި ގުޅިގެން ސަރުކާރަށް ފާޑުވިދާޅުވާ އެމްޑީީޕީ މެންބަރުން ވެސް އަންނަނީ ކަންބޮޑުވުން ފާޅުކުރަމުންނެވެ.