ހުޅުމާލޭގެ ދެވަނަ ފިޔަވަހީގައި އިމާރާތްކޮށްފައިވާ ހިޔާ ފްލެޓްތައް ހުރި ސަރަހައްދުގައި ޕްރިންޓިންގ އާއި ގުޅޭ ޚިދުމަތްތަކަށް ޚާއްސަ ސްޓޫޑިއޯއެއް ހުޅުވައިފި އެވެ.
ހިޔާ ފްލެޓްތަކުގެ 7 ވަނަ ޓަވަރުގެ ތިރީގައި "ކްރާފްޓް ކްލައުޑް ސްޓޫޑިއޯ"ގެ ނަމުގައި ހޮނިހިރު ދުވަހު މި ފިހާރަ ރަސްމީކޮށް ހުޅުވައިދެއްވީ އެޗްޑީސީގެ މެނޭޖިން ޑިރެކްޓަރު އަހްމަދު އާތިފެވެ.
މި ފިހާރައިން ޕްރިންޓިންގ ގެ ޚިދުމަތްތަކުގެ އިތުރުން، ޕާސްޕޯޓް އަދި އައިޑީ ކާޑަށް އެޕްލައި ކުރުމުގެ ޚިދުމަތާއި، ޕާސްޕޯޓް ފޮޓޯ ނެގުމާއި، ބައިންޑިންގ އާއި ލެމިނޭޓް ކުރުމުގެ ޚިދުމަތް ފޯރުކޮށްދެއެވެ.
ހިޔާ ސަރަހައްދުގައި އަލަށް ހުޅުވުނު ފިހާރަ: ފޮޓޯ/ވޮއިސް
މީގެ އިތުރުން، ކުރިއަށް އޮތް 6 މަސް ދުވަހުގެ ތެރޭގައި އެންގްރޭވް ކުރުމާއި، ޓެގް އަދި ތަޅުދަނޑީގެ ޑުޕްލިކޭޓް ހެއްދުމާއި، ޓީޝާޓް ޕްރިންޓް ކުރުމުގެ ޚިދުމަތުގެ އިތުރުން ލާޖް ފޯމެޓް ޕްރިންޓިންގ ގެ ޚިދުމަތް ލިބެންހުންނާނެއެވެ.
ހިޔާ ފްލެޓްތަކުގެ ގްރައުންޑް ފްލޯތައް ހާއްސަކޮށްފައިވަނީ އަސާސީ ހިދުމަތްތައް ދޭ ތަންތަނަށް ކުއްޔަށް ދިނުމަށެވެ. އެގޮތުން ފާމަސީ، ސެލޫން، ފިހާރަ ފަދަ ތަންތަން ހިންގުމަށް ޝައުގުވެރިވާ ފަރާތްތަކަށް އެ ފުރުސަތު އެޗްޑީސީން ވަނީ ހުޅުވާލާފަ އެވެ. އެކަމަކު އޭގެ އެއްވެސް ހިދުމަތެއް އަދި ފެށިފައެއް ނުވެ އެވެ.
Advertisement
This content is created and paid for by advertisers and does not involve Voice Journalists
